Jeremiya 1:15 - Bhiblia Yo Sawuleka

¹⁵ Nguko ni na dhana tixaka totshe ta matiko a Wuphemba, kuwomba Mkoma; ngu lixaka limwelo ni limwelo ni nata veka txikhalo txa lona txa wukoma, ha txikeni ka Jerusalema, ni kuwukela maguma a ma ranganyetako didhoropa, ni kuwukela otshe madhoropa a Judha.

Jeremiya 1:15 Referans Kwoze

Jeremiya 43:10

U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 4:16

Gelani matiko, mi zivisa Jerusalema, ti taku tixoli tata ngu ditikoni ka kule, ta nuwela ngu mapswi a tona kasi ve wukela madhoropa a ka Judha.

Jeremiya 39:3

ku to wulela votshe vathangeli va mfumeli wa Bhabhilona, va to ya ema ka txike txa hagari, i ku va va: Nergali-Sarezeri, ni Samigari-Nebho, ni Sarsekimu, ni Rabhi-Sarisi, ni Nergali-Sarezeri, ni votshe vathangeli va mfumeli wa Bhabhilona.

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Isaya 22:7

Se ku na maheka taku, mikova yako yo tshura ngutu, yi tala ngu sikotxikani, se vagadhi va mahantxhi va na txhatxhamela ha txikeni.

Sidilo 5:11

Va pfinyile vavasikati va Siyoni; ni votuma va madhoropa a ka Judha.

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Jeremiya 34:22

Wona, ni na va leletela ti taku ve wuya ka diya didhoropa, kuwomba Mkoma, va na lwa nado, ve di khozisa, va txi di hisa ngu mndilo; ni madhoropa a ka Judha ma na maha txiwula, ku si maneki wo zumba ka wona.

Jeremiya 33:10

Mkoma a khene: Ka wukhalo wuwa (anu mi ku khanu njiwula, kha ku nga ni m'thu hambi txihari), ni madhoropani ka Judha, ni magondoni ka Jerusalema, aawa ma nga onhetelwa, ati to ku si maneki ni m'thu emo.

Jeremiya 25:28

Ngako va txi lamba kuteka didjingo manzani kwako va txi sela, u na khawe kwawe: Mkoma wa Mabutho a Tiyimbi a khene: Ngu ditshuri, txikolokolo mi na sela!

Jeremiya 10:22

Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Jeremiya 5:15

Wonani taku ni na mi tisela vathu va kule, anu va nyumba ya ka Israyeli, kuwomba Mkoma, ditiko da hombe, ditiko da kale, adiya lidimi la kona mi no li timelela; kambe khu na mbi ti pima ti va no womba-womba.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Jeremiya 13:20

Guletani maso anu mi wona vale vatako ngu Wuphemba. Va hani vathu va u nga ti ningilwe vona, vathu vako vo dhundeka kani?

Jeremiya 34:1

Dipswi di di nga ta ka Jeremiya ngu ka Mkoma, ahawa Nebhukodhonosori, mfumeli wa Bhabhilona, ni yotshe yimbi yakwe, ni yotshe mifumo ya mafu, aawa ma nga ti fumwa ngu ngene, ni otshe matiko ale ma ngalwa, me wukela Jerusalema, ni otshe madhoropa a kona, di txi kha dona:

Jeremiya 46:24

Muhorana wa Egipta a ni tingana, a ningetwe manzani ka vathu va Wuphemba.

Ezekhiyele 32:30

Koneyo vaho votshe vathangeli va Wuphemba, ni votshe Vasidhoni, va nga relela ngu kudayelwa, va nga wiswa tingana ngu kudhukiselwa ko wuswa ngu mtamo wawe; se ve otela i di makhutu, kumweko ni vale va nga dayelwa ngu ditxhari, ve rwala tingana tawe, ni vale va nga relela diphalani.

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Zakariya 6:6

Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.