Jeremiya 1:14 - Bhiblia Yo Sawuleka

¹⁴ Mkoma a nje khene kwangu: “Dikhombo di nata ngu didhawa da Wuphemba, txitimwi ka votshe va ha mafuni.

Jeremiya 1:14 Referans Kwoze

Jeremiya 10:22

Wonani taku data dipswi da nduma, dizunga da hombe di tako ngu Wuphemba, ku ta phemberusa madhoropa a ka Judha ma txi maha marumbi, i ku wukhalo wa maxolwa.

Jeremiya 6:1

Anu vanana va Bhenjamini, tutumani mi huma hagari ka Jerusalema, vetani mpundu Tekowa, emisani txikombiso txa mndilo Bheti-Hakeremi; nguko dikhombo dita ngu Wuphemba, ni kulovisa ka hombe.

Jeremiya 4:6

Gwimbani mijeke didhawani ka Siyoni, tutumani kasi ku mi ti hulukisa, mi nga emeni; nguko na mi nehela dikhombo na di txita ngu Wuphemba, ni kulovisa ka hombe.

Isaya 41:25

Na wusa mmweyo ngu Wuphemba, se ene a nata; kukhukhela kuhumani ka ditambo; a na khumbuka ditina dangu; kambe a nata txitimwi ka vathaviseki, ku nga txitimwi ka ndope; ni kufana ni muwumbi a kandetelako dibumba, ngu toneto, a na va kandetelisa toneto nene.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.

Jeremiya 50:41

Wonani vathu va va tako ngu Wuphemba, i ku ditiko da hombe, ni vathangeli va mitamo va na huma ngu ka makhalo a magwito ka mafu.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 46:20

Egipta dithokazi da dinene: Aniko kufuvisa kata ngu Wuphemba.

Jeremiya 31:8

Ni na va wuyisa ngu ditikoni ka Wuphemba, ni txi va sengeleta ngu magemeta-mitshi ka mafu; kumweko navo, ku ni mabhofu ni silima, vo khosa, va na wuya i ti didhendele da hombe.

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Isaya 14:31

Peka huwa awe txike; kwangula, awe didhoropa; nyunguluka awe ditiko dotshe da Vafilista; nguko ku na huma wutshi ngu Wutxani, ka mbimo ya kona kha ku na mbiva ni wammweyo wo sala ekha.

Jeremiya 11:17

Nguko Mkoma wa Mabutho a Tiyimbi awu a nga kuphaya, a na rumela makhombo txitimwi kwako, ngu mhaka ya kubiha kuwa ku nga mahwa ngu nyumba ya ka Israyeli ni nyumba ya ka Judha, ve ni henyisa ngu kuhisela dibaselo Bhahali.

Jeremiya 47:2

Mkoma a khene: Ndiya ma guleka mati a Wuphemba, ma na maha mnambo wu khulungako ni kuthekelela, ma na talela ditiko ni wungi wa sotshe si kuho ka dona, didhoropa ni votshe va zumbako ka dona; vavamna va na peka huwa, ni votshe va ku ditikoni va na dila.

Ezekhiyele 24:3

Kambe maha txidinganiso u txi m'gela tiya: Mkoma Txizimu a khene: Releka khadi ha mndiloni, yi releke u thela mati ka yona,

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Zakariya 6:6

Txikotxikani txile txi ndindwako ngu mahantxhi a mtima, txiya ditikoni ka Wuphemba, se ale o basa me londeta ngu msana ka ale a mtima, ale a matshakatshaka ma txi ya ditikoni ka Wulambwe.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.