Jeremiya 1:12 - Bhiblia Yo Sawuleka

¹² Mkoma a nje khene kwangu: “U wonisisile, nguko ani ni verela ti to dipswi dangu di txi tatiseka.”

Jeremiya 1:12 Referans Kwoze

Ezekhiyele 12:28

Sekoko va gele ku khawe: Mkoma Txizimu a khene: Kha ku na mbi swela kambe ni dimwedo ka mapswi angu, se dipswi di ni ngadi womba di na maheka, kuwomba Mkoma Txizimu.

Ezekhiyele 12:25

Nguko ani Mkoma, ni na womba-womba, ati ni no womba ti na maheka; kha ti na mbi swela; nguko ka masiku anu, anu va nyumba ya kutitsimba, ni na womba mhaka, kambe ni na yi maha, kuwomba Mkoma Txizimu.

Luka 10:28

Se Jesu a nje khene kwakwe: “U xamute ta tinene; maha toneto, u na mana wutomi.”

Amosi 8:2

Se Mkoma a to khene: U wona txani awe Amosi kani? Se ani ni txi khani: I thavangu ya mihando ya malanga. Sekoko, Mkoma a to nigela, a txi khene: Kuhokile magwito ka vathu vangu va ka Israyeli: Kukhukhela kuwa kala kupinduka, na mbi ngadi ni pinda ngu kwawe.

Dhewuteronome 5:28

Mkoma a engisile mapswi anu, aawa mi nga womba-womba ni nani, e ni gela a txi khene: “Ni engisile mapswi ale vathu vava va nga kugela, totshe ti va nga ti womba ndinene ngutu.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Dhewuteronome 18:17

Sekoko Mkoma a to khene kwangu: “Vona va wombile ditshuri.

Luka 20:39

Se vabhali vokari va to xamula va txi kha vona: “M'gondisi, u xamute ta tinene.”

Jeremiya 31:28

Ku na maheka ati to, nga kule ni nga va emela kasi kudula ni kugangela, ni kuvhinganyisa, ni kukhundumusa, ni kuxanisa, ngu toneto ni na va wonelela, kasi kuaka ni kuphaya, kuwomba Mkoma.

Jeremiya 1:13

Di to ta kwangu ka wumbidi dipswi da Mkoma, di txi ta kha dona: “Njitxani u txi wonako kani?” Ni to xamula ni txi khani: “Ni wona khadi yi halako, txisofu txa yona txi ka didhawa da Wuphemba.”

Isaya 55:11

di na mahisa toneto dipswi di di no huma ngu txisofuni kwangu; dona di na tshumelela kwangu i ti diphanga, di na maha kudhunda kwangu, ni kuhetisa tile ni ngadi rumela tona.

Jeremiya 24:3

Mkoma a to khene kwangu: “U wona txani Jeremiya kani?” Ni to xamula, ni txi khani: “Na wona maxanvu. Maxanvu o tshura, amanene ngutu; o biha ma bihile ngutu, kha ma na kudyiwa, nguko ma bihile ngutu.”