Jakobe 5:9 - Bhiblia Yo Sawuleka

⁹ Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Jakobe 5:9 Referans Kwoze

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.

Matewu 24:33

Ngu toneto, ngako nanu mi txi wona totshelele tiya, ti txi humelela, ti ziveni ti to ene a hafuhi, a ha txikeni.

1 Pedro 4:9

Zivani kuamukelana mbimo yi mi endelanako, na mi si ngungurukeli.

Genesisi 4:7

Ina ngako u txi maha ta tinene, khu na mbi u amukelwa kani? Se ngako u txi maha to biha, txionho txi na ku baramela ha txikeni, txi txi lava ku ku pfinya, aniko awe wa sikota ku txi xula.”

Vagalatiya 5:26

Hi nga ti guleteni, hi nga vhukaneni, hi nga vengelaneni.

1 Pedro 4:5

Kambe vona va na ya xamula ka wule a nga ti emisela kuya lamula vo hanya ni vo fa.

Vagalatiya 5:14

Nguko wotshe Mlayo wu tshanganiswa ka dipswi dimwedo, adi di ku: “Randa muakelani, nga ti u ti randisako tona.”

1 Vakorinto 10:11

Ngu toneto, sotshe simaha siya si va humelete kasi kumaha txikombiso kwathu, kambe si bhatwe kasi ku hi laya athu hi nga hoka magwito ka timbimo.

Marku 13:29

Ngu toneto, ngako mi txi wona ti txi maheka tiya, ti ziveni ti to ene a hafuhi, a ha txikeni.

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Marku 6:19

Herodhiya a to wukela Johani, e lava ni ku m'daya, aniko asi sikoti.

Masalmo 59:15

Va peperukela va txi lava sakudya ngako va si khuri, va tenderukela wotshe wusiku.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Ezekhiyele 7:12

Yata mbimo, da hoka ditshiku; wule a xavako a nga tsake, ni wule a xavisako a nga henye; nguko txiviti txa tura txitimwi ka mtalo wawe.

Jakobe 4:12

Mmahi wa mlayo ni mlamuli i mmweyo dwe, awu a sikotako kuhulukisa mwendo kulovisa. Aniko, u mani awe, u lamulako mkwanu, kani?

Jakobe 5:7

Ngu konaho, vanathu, timiselani, kala kuwuya ka Mkoma. Wonani mdimi a rinzelako mitxelo yo tshura ya mafu ngu kutimisela, kala a txi amukela kuwa ka mati o khata ni o gwitisa.

Jakobe 5:10

Vanathu, gondani kuxaniseka, mithumo ni kutimisela ka Vaprofeti va va nga womba-womba ngu ditina da Mkoma.