Jakobe 5:7 - Bhiblia Yo Sawuleka

⁷ Ngu konaho, vanathu, timiselani, kala kuwuya ka Mkoma. Wonani mdimi a rinzelako mitxelo yo tshura ya mafu ngu kutimisela, kala a txi amukela kuwa ka mati o khata ni o gwitisa.

Jakobe 5:7 Referans Kwoze

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Dhewuteronome 11:14

ni na wuyisa mati ka ditiko danu, a kuwa ngu mbimo yi yi lavekako, mati a wuxika ni mati a mbimo ya minyuko. Ngu toneto, u nga sikota kuelula fulaho yako, ni vhinya yako, ni mtona wako.

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

Vahebheru 6:15

Se Abrahamu, ngu kutimisela kwakwe, a to mana si a nga thembiswa sona.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Vagalatiya 5:5

I di athu, ha themba ti to Txizimu txi na hi maha valulami masoni ka txona ngu mtamo wa Moya wo Sawuleka wu thumako kwathu ngu konaho ka likholo.

Jeremiya 5:24

Kha va wombi timbiluni kwawe, va txi kha vona: A hi thaveni Mkoma Txizimu txathu, awu a ningako mati o khata ni a wuxika ngu timbimo ta kona, awu a hi xayiselako mavhiki a kufunyela kwathu.

1 Vatesalonika 2:19

Nguko, i mani mmwani, hahanze kwanu, awu i ku txithembo txathu, litsako lathu, m'bhoti wathu wa kupfaliswa masoni ka Mkoma wathu Jesu, ngu ditshiku da kuta kwakwe, kani?

Matewu 24:44

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

Matewu 24:27

Nguko kufana ni kukeluka ka nzuma ku wonekako kukhukhela wutxani kala mswa-ditambo ku na mahisa toneto kuta ka Mwanana wa M'thu.

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

Zakariya 10:1

Kombelani mati a nzuma ka Mkoma, ngu mbimo ya nzuma ya mbimo ya kudima; Mkoma ngene a nga va nga kukeluka, a na va ninga mati a nzuma, ni similwa ka thembwe ya mmwani ni mmwani.

2 Pedro 3:4

Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

1 Vakorinto 1:7

se ti di mahile eto, kha mi pwatekelwi ngu kateko ni ya yimweyo, anu mi verelako kuta ka Mkoma Wathu Jesu Kristu;

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Luka 18:8

Na mi gela ti to Txizimu txi na kuluveta ku va lamulela. Kambe mbimo yi a no wuya Mwanana wa M'thu, ina a nata mana likholo ha mafuni, kani?”

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Johani 21:22

Jesu a to khene kwakwe: “Ngako ni txi lava ku a na zumbe kala ni wuya, ku nga va i di txani kwako kani? Awe ni londise!”

Johani 21:23

Ngu konaho mhaka yiya yi to hangalaka hagari ka vanawe, ti to mgondiswa wule kha na mbi fa. Kambe Jesu kha womba tona taku khene kha na mbi fa; aniko a ti khene: “Ngako ni txi lava ku a na zumbe kala ni wuya, ku nga va i di txani kwako kani?”

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.

Jakobe 5:3

Kubhirela kuwa kufakaza likungo lanu, akuwa ku no dya nyama yanu nga mndilo. Mi sengeletile tithomba ka masiku o gwitisa.

Jakobe 5:10

Vanathu, gondani kuxaniseka, mithumo ni kutimisela ka Vaprofeti va va nga womba-womba ngu ditina da Mkoma.