Jakobe 5:3 - Bhiblia Yo Sawuleka

³ Kubhirela kuwa kufakaza likungo lanu, akuwa ku no dya nyama yanu nga mndilo. Mi sengeletile tithomba ka masiku o gwitisa.

Jakobe 5:3 Referans Kwoze

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

2 Timoti 2:17

mapswi awe ma fana ni nyamakazi, a sakatako mmidi. Hagari kwawe ku na ni Himenewu ni Filetusi.

Mika 4:1

Se ka masiku o gwitisa, ku na maheka to mmango wa Nyumba ya Mkoma, wu na vekwa txitimwi ka mmango, se wu na guleka txitimwi ka simangwana, kambe vathu va na tutumela ka wona.

Mika 3:3

ni ku mi dyako nyama ya vathu vangu, mi va thavisa didhowo, mi va fayetela marambu, ni ku va gangela nga vo lava kubetelwa khadini, nga nyama amu dibhotani.

Jeremiya 19:9

Ni na va maha vedya nyama ya vanana vawe va txiwamna ni va txisikati, mmweyo ni mmweyo a na dya nyama ya dixaka dakwe, ka mbimo ya kurandelwa ni ku kuretwa kwawe, eho va na so mwa tshim ngu valala va va xotako wutomi wawe.

Jobe 16:8

Wufakazi wa kona, ngu ku u ni mahile ni thuvika, se kugoma kwangu ka ni wisa hahatshi, ni khoheni kwangu ku ni wufakazi wo ni wukela.

Joxuwa 24:27

Joxuwa a wombile kambe ka vathu a txi khene: “Wonani dirigwi diya di na va fakazi yi yi no hi mangalela athu, nguko dona di engisile otshe mapswi awa Mkoma a nga hi gela; di na va fakazi kwathu, kasiku, anu mi; si kaneti Txizimu txanu.”

Genesisi 49:1

Jakobe a dhani vanana vakwe e va gela tiya: Tshanganani nguko ni lava ku mi gela ti ti no mi humelela ka mbimo yi yitako,

Genesisi 31:52

Mmumbu wuwa i fakazi, dirigwi diya i fakazi, kasiku ani ni si sikoti kutshawunyeta mmumbu wuwa ni txi ta kheyo kwako, niku nawe khu na mbi tshawunyeta mmumbu wuwa ni dirigwi diya, u txi ta kheno kwangu, ngu mapimo o biha.

Mtuletelo 17:16

Titxheho ti ta digumi u nga ti wona kumweko ni txikalani, si na vengela wu wa digelegele, si na mtshambula tinguwo, si mu leka i di tximbwiri; si na dya nyama yakwe, si mu hisa ngu mndilo,

Genesisi 31:48

Sekoko Labhani a wombile, a txi khene: “Mmumbu wuwa kukhukhela nyamsi wu na va fakazi hagari kwangu ni nawe.” Ngu mhaka yeto wukhalo wule a wu dhani ku i Galedhi.

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.