Jakobe 5:2 - Bhiblia Yo Sawuleka

² Tithomba tanu ti sinile, syambalo sanu si dyitwe ngu sumba. Nzalama yanu ni silivhela yanu si dyitwe ngu kubhirela ka mafu.

Jakobe 5:2 Referans Kwoze

Jobe 13:28

Hambiko ani ni ku tximaha txo sina, txi gumako, ku nga txyambalo, txo dyiwako ngu sumba.

Luka 12:33

“Xavisani simaha sanu, mi txi vhuna sisiwana. Mahani mikwama yo mbi sakala, mi txi veketa txuma txanu txo mbi guma nzumani, amuwa ku si tshuketiko dikhamba, hambi sumba yi si doliko.

Isaya 50:9

Wonani taku Mkoma Txizimu wa ni vhuna, mlamuli wangu ngu mani kani? Wonani taku votshe va na sakala kufana ni syambalo, se va na dyiwa ngu sumba.

Isaya 51:8

Nguko sumba yi na va sakata nga syambalo, kambe va na dyiwa ngu timbungu kufana ni matoya; aniko kululama kwangu ku na zumba kala kupinduka, ni kuhanyisa kwangu ka liveleko ni liveleko.

1 Pedro 1:4

Kasi hi va ni thomba yo mbi sina, ayi yi si sikotiko kunyetwa ngu txilo, mwendo kuwuna, ayi yi nga vekelwa anu nzumani;

Jeremiya 17:11

Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Masalmo 39:11

U tsayisa m'thu kasiku e khawula ka wubihi wakwe kufana ni sumba, awe wa fuvisa atxile m'thu a txi dhundako ngutu. Kunene votshe vathu mba kanganyisi dwe!

Hoseya 5:12

Ngu konaho, ka Efrayime ni na fana ni sumba, se ka nyumba ya ka Judha ni na fana ni kusina.

Jakobe 2:2

Nguko, ngako a txi bwaka m'thu mtshanganoni kwanu, na a di ambate ringi ya nzalama litihoni kwakwe, na kambe a di ni syambalo sa kutshura; se ngu msana ku txi ta mmweyo wa txikulungu, na adi ambate sa nzambwa.