Jakobe 5:13 - Bhiblia Yo Sawuleka

¹³ Wa ho wa kuxaniseka hagari kwanu, kani? A na khongele. Wa ho wa kutsaka hagari kwanu, kani? A na embelele tindando ta kudhumisa.

Jakobe 5:13 Referans Kwoze

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Vaefesu 5:19

mi txi womba-womba ngu masalmo ni tindando, mizeno ni tindando ta moya, mi embelela ni kudhumisa Mkoma timbiluni kwanu,

Jona 2:2

A txi khene: Kupandisekani kwangu ni dite ka Mkoma, se ene a to ni xamula; ni di mndani ka txihaka ni kwangute, se awe u engisile dipswi dangu.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Jona 2:7

Mbimo yile moya wangu wu nga ti ti tsivala mndani kwangu, ani ni ku alakanyile Mkoma; se mkombelo wangu wu to wulela kwako, dithepeleni kwako ko sawuleka.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Matewu 26:30

Msana ka kuva va di embelete mzeno, va to huma veya mmangoni ka Olivheti.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Masalmo 118:5

Kupandisekani kwangu ni khongete ka Mkoma; se Mkoma a ni engisile a txi ni hanyisa.

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Mtuletelo 7:10

Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

1 Vakorinto 14:26

Ti di ngeto, ku nga mahwa to txani kani, vanathu kani? Mbimo yi mi sengeletanako, mmwani ni mmwani kwanu a nga sikota kuthula ndando, mmwani a nga sikota kuwomba dipswi do gondisa, mwendo dipswi di a nga kombiswa ngu Txizimu, mwendo kuwomba mapswi okari ngu lidimi lo hambana, mwendo txiningo txo txhamusela ti ti wombwako ngu timwani tidimi; kambe totshe tiya ti na mahelwe kufela kuaka msengeletano.

Luka 23:42

Se a to txhatekela mapswi a ku khene: “Jesu, ni alakanye, mbimo yi u no wulela Mfumoni kwako.”

Mika 4:5

Nguko votshe vathu va na tsimbila, mmwani ni mmwani ngu ditina da txizimu txakwe, aniko athu hi na tsimbila ditinani ka Mkoma, Txizimu txathu, yotshe mbimo ngu ha ku si gwitiko.

Masalmo 105:2

Embelelani tindando ta kum'dhumisa; womba-wombani ngu mithumo yakwe ya kuxamalisa!

Masalmo 95:2

A hi yeni masoni kwakwe, na hi txi embelela tindando ta kubonga a hi mu bongeni ngu kutsaka ngu tindando tathu.

Masalmo 18:6

Kupandisekani kwangu ni dhani Mkoma, ni kombete txivhuno ka Txizimu txangu. Txi di Nyumbani ka txona txi engisile dipswi dangu, huwa yangu yi hokile tinzeveni ka txona.

Jobe 33:26

Sekoko a na dila ka Txizimu, txi na tsaka ngu ngene, se a na wona khohe ya txona ngu kutsaka, kambe m'thu txi na mtshumetela wululamo wakwe.

1 Makronika 16:9

Embelelani tindando ta ku m'dhumisa, wombawombani ngu mithumo yakwe yo xamalisa.

Isaya 65:14

wonani taku sithumi sangu si na embelela ngu kutsaka ka timbilu ta sona, aniko anu mi na peka tihuwa ngu kupandiseka ka timbilu, mi na yowe, ngu kuxaniseka ka moya;

1 Vakorinto 14:15

Se nji txani ni fanelako kumaha kani? Ni na khongela ngu moya, ni txi khongela kambe ngu mapimo; ni na embelela ndando ngu moya, ni txi embelela kambe ngu mapimo.

Jakobe 5:10

Vanathu, gondani kuxaniseka, mithumo ni kutimisela ka Vaprofeti va va nga womba-womba ngu ditina da Mkoma.