Jakobe 5:1 - Bhiblia Yo Sawuleka

¹ Engisani, anu vanyatithombe, dilani mi txi peka tihuwa ta hombe ngu makhombo awa ma no mi wela.

Jakobe 5:1 Referans Kwoze

Mavingu 11:28

Awule a thembako ka tithomba takwe a na wa, aniko vo lulama va na fana ni mwasi wo nakana.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Mika 6:12

Nguko vanyatithombe kona va tate ngu kulwisa, kambe vahanyi va kona va womba-womba makuhu; se lidimi lawe la kanganyisa mkanani kwawe.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Jakobe 4:13

Sekoko, ni womba kwanu mi ku khanu: “Nyamsi, mwendo mangwana, hi na tsula ka didhoropa dokari, hi na ya fungala dilembe, hi txi xavisa, hi txi bhindula male,”

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Dhewuteronome 32:15

Se Jesurumi a dyite e khura, a txi ena; u enile, u enile, u tala ngu mafura; se a lekile Txizimu txi txi nga mmaha; kambe a eyisile Dirigwi da kuhanyiswa kwakwe.

Joyeli 1:11

Vadimi va ti thela tingana, vaphayi va vhinya va kuma ngu mhaka ya fulaho ni sevhadha; nguko kuelula ka thembweni ku gumile.

Joyeli 1:5

Vhumukani anu madevi, mi dila; pekani huwa motshenu mi selako vhinya, ngu mhaka ya vhinya ya yiphya nguko ya thaviswa mkanani kwanu.

Ezekhiyele 19:2

u txi khawe: I mani mame wako kani? Ngonyamo ya makati hagari ka tingonyamo, yi wunjile vanana va yona hagari ka singonyamwana.

Jeremiya 4:8

Ngu konaho, ambalani masaka mi dila, ni kudikwila. Nguko kutura ka txiviti txa Mkoma kha ka khukha kwathu.

Jakobe 4:9

Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Masalmo 17:14

ni hulukise, Mkoma, ngu diwoko dako ka va vo biha, va fuvise ka ditiko diya. Ka vale va kuthembako va ninge tithomba to tala, ti dinganako kukhurisa vanana vawe ve tshumela ve khurisa ni vatukulu vawe.

Isaya 15:3

Va ambate masaka tinzilani ka hombe; txitimwi ka tinyumba tawe, ni mitendelani kwawe, votshe va keta, kambe va dila ngu txiviti.

Ezekhiyele 30:2

Awe mwanana wa m'thu, profeta u txi khawe: Mkoma Txizimu a khene: Dilani mi txi khanu: Yowe! Ditshiku dileya!