Jakobe 4:9 - Bhiblia Yo Sawuleka

⁹ Zivani wusiwana wanu, salukani, mi txi dila; maseko anu ma na phinduke ma txi maha madila, litsako lanu li na phinduke li txi maha kupandiseka.

Jakobe 4:9 Referans Kwoze

Matewu 5:4

Va katekile ava va dilako, nguko va na thavelelwa!

Mavingu 14:13

Hambi a txi seka, mbilu yi na panda, se magwito ka kutsaka ngu xaniseka.

Luka 6:25

Dikhombo danu anu konkuwa mi nga khura, nguko mi na va ni nzala. Dikhombo danu, anu konkuwa mi sekako, nguko mi na pandiseka mi txi dila.

Masalmo 119:67

Mbimo yiya ni nga sinzi kuxaniseka, ni ti lekile nzila ya yinene; aniko konkuwa na londeta dipswi dako.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Ezekhiyele 7:16

Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.

Luka 16:25

Abrahamu a xamute a txi khene: ‘Mwanangu, alakanya ti to awe u amukete mathomo ako kuhanyani kwako, aniko Lazaro ene a amukete sixaniso; se konkuwa ene wa mana kuruliswa mbilu, aniko awe wa mana sixaniso.

Jobe 30:31

Sekoko txitende txangu nja nyawudile, ni msengele wangu, dipswi da vale va dilako.

Luka 6:21

Mi katekile anu mi pfako nzala konkuwa, nguko mi na khura. Mi katekile anu mi dilako konkuwa, nguko mi na seka.

Sidilo 5:15

Kutsaka ka timbilu tathu ku gumile, kusinya kwathu ku hindukile txidilo.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Ekleziyaste 2:2

Amu ka maseko ni ti khani: U xangile; se amu ka kutsaka ni ti khani: Kuvhuna txani kani?

Masalmo 119:71

Ndinene ni nga mana kutsayiswa, kasi ku ni gonda silayelo sako.

Masalmo 119:136

Mirongo yangu ya khulunga nga mnambo, nguko mlayo wako kha wu xoniphwi.

Nehemiya 8:9

Se Nehemiya, wu i nga ti mfumeli ni mphaxeli Ezra, mabhalani, ni Valevhi vale va nga ti gondisa vathu va to kha vona ka votshe vathu: Ditshiku diya di sawulekile ka Mkoma Txizimu txanu, ngu toneto mi nga titsetseni, hambi ku ti dilela. Nguko votshe vathu va to dila va txi pfa mapswi a Mlayo.

Matewu 21:41

Vona va to angula va txi kha vona: “A na va fuvisa vathuvo vo biha, senikoko a na ningela thembwe ya mivhinya ka vamwani vadimi, ava va na ku mu wuyisela mihando yakwe ngu nyango yi yi lavekako.”