Jakobe 4:8 - Bhiblia Yo Sawuleka

⁸ Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Jakobe 4:8 Referans Kwoze

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Vahebheru 10:22

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Malakiya 3:7

Kukhukhela ka masiku a vatate vanu, mi lekile sileleto sangu, kambe kha ma si xayisa; tshumelelani kwangu, se na ni ni na tshumelela kwanu, kuwomba Mkoma wa Mabutho a Tiyimbi; kambe anu mi khanu: Hi na tshumelela txani kani?

Zakariya 1:3

Ngu toneto, va gele ku khawe: Mkoma wa Mabutho a Tiyimbi a khene: Tshumelelani kwangu, kuwomba Mkoma wa Mabutho a Tiyimbi, se nani ni na tshumelela kwanu, kuwomba Mkoma wa Mabutho a Tiyimbi.

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

1 Johani 3:3

Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.

Masalmo 51:10

Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Vahebheru 7:19

(Kha ditshuri, Mlayo wa Mosi kha wa maha txilo txo hetiseka), se ku txi wulela txithembo txa txinene atxi txi hi ningako kutshuketela hafuhi ka Txizimu.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Masalmo 73:28

Aniko kwangu, ndinene kuzumba hafuhi ka Txizimu. Awe, Mkoma, Txizimu txangu, u wuthavelo wangu; ni na huwelela totshe ti u nga maha.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

1 Pedro 3:21

Mati awa, i ti txidinganiso txa txibhabhatiso, atxi konkuwa, se txi mi hanyisako, i si nga ngu kukuwulwa ka nzambwa ya mmidi, aniko ngu kuxolwa ka livhalo ngu Txizimu, ni kuwuka ka Jesu Kristu,

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Matewu 12:33

“Mi txi womba ti to mndonga wuwa mbunene, mihando ya wona ni yona njinene, mwendo kambe mi txi womba ti to mndonga wuwa wu bihile, mihando ya wona ni yona yi bihile; nguko mndonga wu ziwa ngu mihando ya wona.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Masalmo 24:4

Wule a nga basa manzani, ni mbilu yo sawuleka asi ningeteteliko moya wakwe ka wukanganyisi, kambe asi xambanyiko ngu kukanganyisa.

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Masalmo 18:20

Mkoma a ni xayisile madingano ni kululama kwangu, ene wa ni txhatxhazela madingano ni kululama ka mahanyelo angu,

Jakobe 1:8

Nguko, eyo i m'thu wa mipimiso yimbidi, wa kana-kana ka totshe tinzila takwe.

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Genesisi 18:23

Se Abrahamu a to tshuketa hafuhi, a txi khene: “Ina u na lovisa valulami kumweko ni vabihi kani?

Jobe 16:17

hambiko ku singako ni kulwa manzani kwangu, ni mkombelo wangu wu nga mbi sawuleka.

Matewu 15:2

“Vagondiswa vako va ndakela txani sihena sa vakale, kani? Nguko kha va sambi manza mbimo yi va dyako sakudya.”

Jeremiya 4:11

Ka yoneyo mbimo ku na gelwa vathu vava ni Jerusalema, ku kha vona: Diphuho do hisa da mimango ya txiwulani di rendekete vathu vangu, na i si nga kuhehela ni kutsetseta.

Jobe 9:30

Hambi ni nga samba ngu mati a hunguva, ni sawulekisa manza angu ngu sephu.

Isaya 13:15

Votshe vale va no manwa va na pindiswa, ni votshe vale va no ñolelwa va na dawa ngu ditxhari.

Masalmo 73:13

Kha ditshuri, kha ta vhuna txilo kubasisa mbilu yangu ni ku va ni manza o basa ka totshe to biha!

Matewu 27:24

Sekoko Pilato, a di woni ti to kha koti txilo, ni ti to dizunga da engeteleka ngutu, a to ruma kuve mu tisela mati, e samba manza masoni ka dibutho, na, a txi khene: “Kha ni na mnandu ka mnoha wa m'thu wuwa wo lulama! Ati ndanu mokha.”

1 Samuwele 14:35

Sekoko Sawule a to akela Mkoma txiluvelo; atxiya njiluvelo txo khata txi a nga akela Mkoma.

Masalmo 119:113

Na nyenya vakanganyisi, aniko ni randa mlayo wako.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Sidilo 3:57

Ditshiku dile ni nga kudhana, u tshuketile u txi ta khawe: “U nga thave.”