Jakobe 4:5 - Bhiblia Yo Sawuleka

⁵ Mwendo mi pimisa ti to mibhalo yo womba walo ngako yi txi womba tito: “Moya wu wu zumbako kwathu, Txizimu txi wu randa ngu txiluse, kani?”

Jakobe 4:5 Referans Kwoze

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

1 Vakorinto 6:19

Ina txima kha mi tizivi ti to mimidi yanu mathepele ya Moya wo Sawuleka, wu zumbako mndani kwanu, awu mi nga wu amukela ka Txizimu, ni ti to kha mi ti lumbi anu mipune, kani?

Mitengo 11:29

Kambe Mosi a to khene kwawe: “Ngu kutxani uva ni txiluse masoni kwangu kani? Ani ni khani i di tinene nga ti votshe vathu va Mkoma va txi profeta, Mkoma e va ninga moya wakwe!”

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Masalmo 37:1

U nga henye ngu mhaka ya vale va mahako kubiha, kambe u nga bavele avale va mahako ta walo,

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Genesisi 37:11

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

Genesisi 30:1

Ngako Rakeli a di woni ti to kha velekela vanana Jakobe, a to khata kulusa ka Leya, se e womba ka Jakobe, a txi khene: “Nihe vanana, hahanze keto, ndinene ku ni txi fa.”

Genesisi 26:14

Ene a ti ni mitxhambi ya tinvuta, tihomu to tala ni sithumi sasingi. Ngu mhaka ya toneto, Vafilista va to khata ku m'bavela.

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Vagalatiya 3:8

Mibhalo ni yona, ngu kusongolela ku ti wona ti to Txizimu txi na hundulusa vamatiko ve maha valulami ngu kukholwa, yi zivisile ka Abrahamu mahungu awa amanene, yi txi kha yona: “Yotshe mifumo yi na katekiswa ngu kota yako.”

Mithumo 7:9

“Se vanana vava va Jakobe i ku vanyampande vathu va to va ni wukwele ka Josefa, ve mu xavisa, e yiswa Egipta, kambe Txizimu txi ti ni nene.

Johani 10:35

Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Mavingu 21:10

Dihika da wo biha, di alakanyela kubiha; muakelani wakwe ka tsakisi masoni kwakwe.

Masalmo 106:16

Se va di wugoveloni kwawe, va to bavela Mosi ni Aroni, msawuleki wa Mkoma.

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;

Varoma 9:17

Ngu toneto, Mibhalo yi wombako ka Faro, yi txi kha yona: “Ni ku wusile kasiku ni komba mtamo wangu ngu kwako, ni kuva ditina dangu di txi pfaliswa ka dotshe ditiko.”

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Johani 19:37

Ka wumwani wukhalo ti bhatwe kambe, va txi kha vona: “Va na wonetela awule va nga mu bhaya.”

Johani 7:42

Ina Mibhalo kha yi wombi ti to Mesiya a na huma ka lixaka la Dhavhidha, a txi velekelwa Bhetlehema, didhoropa di Dhavhidha, a nga tumbuluka ka dona, kani?”

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Genesisi 38:9

Ti di ngeto, Onani ngu kuziva ti to liveleko la kona kha li na mbi mlumba, txikhati ni txikhati txi a nga txi tshangana nayo, a ti ti theketela hahatshi, kasiku asi wuseli mkomwakwe liveleko.