Jakobe 4:14 - Bhiblia Yo Sawuleka

¹⁴ Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Jakobe 4:14 Referans Kwoze

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Masalmo 39:5

U ni ningile kuhanya masiku amadotho ngutu; masiku a kuhanya kwangu hi nga txilo masoni kwako. M'thu, hambi a txi tipfa a di tsani i mbukanganyisi wo gwita!

1 Johani 2:17

Kasi ditiko da pinda ni kunavela ka dona, kambe awu a mahako kuranda ka Txizimu, a zumba ngu ha ku si gumiko.

Masalmo 102:3

Nguko masiku a kuhanya kwangu ma mwalala nga wutshi; mmidi wangu wa tura nga makala a mndilo.

Jakobe 1:10

Kambe nene nyatithombe a na tsake ngako a txi vekwa hahatshi; nguko ene a na pinda kufana ni txiluva txa mwasi.

Masalmo 89:47

Alakanya, Mkoma, ti to wutomi wangu wu komile! Votshe vathu, u nga va va nga, va pinda ngu kukuluveta.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Isaya 38:12

Mbimo ya kuhanya kwangu yi tsute, se yi thavisilwe kwangu, kufana ni m'dhuti wa m'dyisi; ni wite kufana ni mluki wutomi wangu; ku nga no wilwa ka txo lukwa; kukhukhela ni mixo kala minova, u na ni heta.

Masalmo 78:39

Txizimu txi alakanyile ti to vona nziwumbwa sa nyama dwe, va fana ni moya wu wu pindako wu si wuyi kambe!

Masalmo 144:4

M'thu a fana ni wukanganyisi; masiku akwe ma fana ni mtsudi wu wu pindako.

Mavingu 27:1

U nga ti thembisele ngu ditshiku da mangwana, nguko khu ti zivi ati di no kuninga ditshiku da mangwana.

Isaya 2:22

Tsulani kule koko ni m'thu wu a ku ni muhefemulo tithonvuni kwakwe; nguko a nga va a txi themba txani kani?

2 Samuwele 19:34

Kambe Bharizilayi a to khene ka mfumeli: I ngadi masiku muni a kuhanya kwangu, ka ku naza ni kwelele ni mfumeli kuya Jerusalema kani?