Jakobe 4:10 - Bhiblia Yo Sawuleka

¹⁰ Ti vekeni hahatshi masoni ka Mkoma, se ene a na mi guleta.

Jakobe 4:10 Referans Kwoze

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.

Matewu 23:12

Awule a ti guletako, a na vekwa hahatshi; ani wule a ti vekako hahatshi a na guletwa.

1 Pedro 5:6

Ngu konaho, ti vekeni hahatshi ka diwoko da mtamo, da Txizimu, kasi ku txona, txi nata mi guleta ka mbimo yi yi lavekako.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Jobe 22:29

Va txi kupeka, u na khawe: Ku nave ho kuwuswa! Se Txizimu txi na hulukisa wule wo ti veka hahatshi.

Masalmo 113:7

Mkoma wa wusa sisiwana si huma ha lithuluni e thavisa sikulungu ha ditalani,

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Luka 18:14

“Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Masalmo 30:1

Ni na dhumisa wuhombe wako, Mkoma, nguko awe u ni hulukisile kambe khwa tumela ti to valala vangu va txi ni seka.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

1 Samuwele 2:7

Mkoma wa va nga wusiwana, kambe wa fumisa; wa veka hahatshi, kambe wa guleta.

2 Makronika 7:14

Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

Jobe 5:11

Kasi kuveka ka wukhalo wa txitimwi, vale vo karala; ni tile taku vo felwa ve guletwa kuhanyiswani.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Ezekhiyele 21:26

Mkoma Txizimu a khene: Thavisa txigoko, u gula m'bhoti; kha wu na mbi va wona kambe m'bhoti wuwa; guleta si si ku hahatshi, u wisa sile sa kutikulisa.