Jakobe 4:1 - Bhiblia Yo Sawuleka

¹ Ti ta ngu hani tiyimbi, mata ngu hani mazunga hagari kwanu, kani? Ina kha si mahwi ngu timbiti ta minavelo yo biha, ayi sihango sa mmidi wanu si lewako ngu yona, kani?

Jakobe 4:1 Referans Kwoze

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

Varoma 7:23

kambe amu ka sihango sangu ni mana wumwani mlayo awu wu lwako ni Mlayo wu wu tsimbitisako mialakanyo yangu, wona wu ni ndindela wukhumbini ka txionho txi txi ku ka sihango sangu.

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Jakobe 1:14

Aniko, m'thu ni m'thu a dukwa ngu kunavela kwakwe ko biha, ku m'ndindako, ku txi mu yisa kubihani.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

1 Pedro 1:14

Ngako mi ku vanana vo engisa, mi nga londeteni minavelo yi mi nga ti nayo, mbimo yi mi nga sinzi kuziva txilo.

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

Jakobe 4:3

Hambi mi txi kombela, kha mi amukeli txilo, nguko kha mi kombeli ngu fanelo: Asi mi kombelako, mi kombela sa kutsakisa minavelo yo biha ya mmidi.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Titosi 3:9

Hambana ni timhaka ta kukanetisana ka wupumbu, ni kulondetela txhatxhameto ya sibongo, u txi hambana ni mazunga, ni kukanetisana ngu mlayo, nguko eto kha ti vhuni txilo, kha ti na lisima.

Varoma 7:5

Nguko, mbimo yi hi nga ti ti hanya ngu txithu, kunavela ka txionho aku ku nga ti mana mtamo ngu mhaka ya mlayo, ku ti thuma sihangoni kwathu kufela ku hi humisa mihando ya lifo.

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.