Jakobe 3:9 - Bhiblia Yo Sawuleka

⁹ Hi dhumisa ngu lona Txizimu, Tate, kambe hi ruketela ngu lona vathu, va va nga vangwa ka txifananiso txa Txizimu.

Jakobe 3:9 Referans Kwoze

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

Masalmo 62:4

Mi alakanya wurena dwe mi thumisa makuhu kufela kudaya. Ma dhumisa ngu txisofu txanu, aniko ngu mbilu ma ruketela.

Masalmo 59:12

Ngu txionho txa txisofu txawe, ni dipswi da txisofu txawe, va sungwa ngu kutikulisa; kumweko ni wubihi ni makuhu va ma humisako.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Mithumo 2:26

Ngu kota yeto, mbilu yangu ya tsaka ni lidimi langu la nengela hambi mmidi wangu ni wona wu na zumba wu di ni txithembo,

2 Samuwele 19:21

Sekoko Abhixayi, mwana Zeruiya a to xamula, a txi khene: Ina koko kha na mbi dawa Simeyi, kule a nga ruketela wo totwa wa Mkoma kani?

Genesisi 5:1

Adiya dibhuku da liveleko la Adhamu. Mbimo yi Txizimu txi nga vanga m'thu, txi mmahile a txi fanana ni Txizimu.

1 Vakorinto 11:7

Wamwamna kha faneli ku ti fenengeta msungo, nguko ene njifaniso ni txipfaliso txa Txizimu, kasi wamsikati njipfaliso txa wamwamna.

Varoma 3:14

sisofu sawe sitate ngu kuruketela ni kubava.

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Ekleziyaste 7:22

Nguko mbilu yako ni yona se yi ti tshanzile ko tala, yi txi awe u ruketete vamwani.

Masalmo 108:1

Mbilu yangu yi ti lulamisete, Txizimu; yi ti lulamisete ku kudhumisa ngu tindando! Wuka, awe moya wangu!

Masalmo 71:24

Dotshe ditshiku lidimi langu li na xawuta kululama kwako, nguko va xowokile ve tala ngu tingana vale va nga txi lava ti to ni welwa ngu dikhombo.

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

Masalmo 57:8

Moya wangu, wuka! Wukani awe txitende ni nawe haripa! Nyamsi ni lava kuwusa wuronga!

Masalmo 51:14

Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

Masalmo 35:28

Konako ni na kudhumisa, Mkoma, ngu kululama kwako; dotshe ditshiku ni na embelela wudhumo wako!

Masalmo 34:1

Ni na dhumisa Mkoma yotshe mbimo; ni na huwelela wudhumo wakwe ngu txisofu txangu, ni si gwiti.

Masalmo 30:12

Ti di ngeto, Mkoma, Txizimu txangu, ni na embelela ngu ngawe ni si gwiti, ni na kudhumisa kala kupinduka.

Masalmo 16:9

Ngu kumaha keto, mbilu yangu ya tsaka, ni moya wangu wa nengela ni mmidi wangu wu na humula ngu kudikha.

1 Makronika 29:20

Sekoko Dhavhidha a to khene ka wotshe msengeletano: Konkuwa, dhumisani Mkoma Txizimu txanu. Sekoko wotshe msengeletano wu to dhumisa Mkoma, Txizimu txa vatate vawe; va to khizama masoni ka Mkoma ni masoni ka mfumeli.

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

2 Samuwele 16:5

Se mbimo yile Dhavhidha a nga hoka Bhawurimi, ku to huma wamwamna wa lixaka la va ka Sawule, awule a nga ti dhanwa ku i Simeyi, mwana Gera; se a to ta a txi ruketela.

Valamuli 9:27

Vona va to huma va txi ya thembweni kasi kuya elula mivhinya yawe, ve phwarasela mauvha awe, ve maha mibuso, va txi wulela dithepeleni ka txizimu txawe, amu va nga ya dyela kona ni kusela kona va txi ruketela Abhimeleki.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Masalmo 145:21

Txisofu txangu txi na embelela wudhumo wa Mkoma! Ni votshe vathu va na dhumisa ditina dakwe do sawuleka kala kupinduka!

Masalmo 145:1

Ni na kuguleta awe Txizimu, Mkoma wangu, ni na bonga ditina dako kupinduka ni kupinduka.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Jakobe 3:10

Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.