Jakobe 3:8 - Bhiblia Yo Sawuleka

⁸ Aniko lidimi, awalo a sikotako ku li fuma. Lona njilala txo mbi zumbiseka, kambe li tate ngu txhefu yo daya.

Jakobe 3:8 Referans Kwoze

Varoma 3:13

Mikolo yawe mathowo awa ma nga asama, tidimi tawe ti tolovete kukanganyisa, mkanani kwawe ku tate ngu wuxungu wa minyoka,

Masalmo 140:3

Va lotile tidimi nga minyoka; wuxungu wo nga wa timamba wu hahatshi ka sisofu sawe.

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 59:7

Sisofu sawe sa maha likwaha; mapswi awe ma fana ni matxhari o hinda; nguko va kha vona: “I mani a hi engisako kani?”

Masalmo 58:4

Wuxungu wawe wu fana ni wa minyoka; va fana ni mamba ya diphanzeve, yi ti tsivako tinzeve.

Ekleziyaste 10:11

Ngako mnyoka wu txi kuluma na wu sanzi kuthumiswa ngu tiñanga, kha ku na mrende wu ñanga yi nga ku vhunako ngu wona.

Dhewuteronome 32:33

Vhinya ya kona mbuxungu wa minyoka, mbuxungu wo daya wa timamba.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Mavingu 17:20

Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.

Jakobe 3:7

Nguko, totshe tixaka ta sihari sa txitinga, ta sinyana, ta minyoka, ni ta sihari sa linene sa fuywa, si txi fuywa ngu m'thu.