Jakobe 3:6 - Bhiblia Yo Sawuleka

⁶ Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Jakobe 3:6 Referans Kwoze

Mavingu 16:27

M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Marku 7:15

Ku walo txilo txi tako ngu hahanze ka m'thu, txi wulelako mndani kwakwe, txi sikotako ku mu bihisa; aniko asi si humako ngu mndani kwakwe ngu sona si mu bihisako.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

Luka 16:24

Konaho a to kwangula a txi khene: ‘Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.’

Mavingu 6:19

wufakazi wa walo wo womba-womba makuhu, ni wule a phayako mazunga ka vanawe.

Masalmo 140:3

Va lotile tidimi nga minyoka; wuxungu wo nga wa timamba wu hahatshi ka sisofu sawe.

Masalmo 64:3

Vale va nga lota tidimi tawe kufana ni matxhari va txi khwinza mapswi a livengo nga tingove.

3 Johani 1:10

Ngu konaho, ngako ni txi ta kheyo, ni nata landula mahanyelo akwe, ni mapswi akwe o biha, a hi poyilelako ngu ona. Hahanze keto, a lamba ni kuamukela vanathu. Se avale va ti lavako ku va amukela, wa va tsimbisa, a txi va humisa dibanzani.

Jakobe 2:7

Ina hi nga vonavo va ruketelako ditina da dinene, di mi nga phaxwa ngu dona kani?

Mithumo 6:13

Se ve humisa tifakazi ta makuhu, ati ti nga womba ti txi kha tona: M'thu wuwa, kha leki kuwombawomba timhaka ti ti poyilako Wukhalo wo sawuleka ni Mlayo;

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Matewu 12:24

Aniko Vafarisi, ngako va txi pfa eto, va to kha vona: “Awuwa kha toveli madhimoni i si nga ngu mtamo wa Bhelzebhule, i ku mkoma wa mimoya yo biha.”

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

2 Samuwele 19:43

Se vavamna va ka Israyeli va to xamula ka vavamna va ka Judha, va txi kha vona: Athu hi ni digumi da tifanelo ka mfumeli, hambi ka Dhavhidha hi nato ngutu kupinda anu; ngu kutxani koko, mi si khataliko ngu ngathu, kasiku dipswi dathu di si mahi do khata, kasi kutshumela hi wuyisa mfumeli wathu kani? Kambe dipswi da vathu va ka Judha di ve ni mtamo ngutu kupinda dipswi da vathu va ka Israyeli.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Mtuletelo 18:23

Kutura ka dilambu kha ku na mbi ngadi ku txi woninga kwako; dipswi da mwamna ni msikati kha di na mbi ngadi di engiswa kwako, nguko vaxavisi vako i ti tinganakana ta ditiko, kambe ngu matiloti ako u kanganyisile yotshe mifumo.”

Mtuletelo 13:14

Txona txa kanganyisa vaaki va ha mafuni, ngu mhaka ya sixamaliso si txi nga ningwa kumaha, madingano ni kuruma ka txikalani txo khata. Txona txi va kurumeta kumaha txithombe txo dhumisa txikalani txile, txi nga ti bhayilwe ngu ditxhari, aniko txi nga tshumela txi hanya.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

Mithumo 20:30

ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Isaya 30:27

Wonani taku, ditina da Mkoma dita ngu kule, di txi tura ngu txiviti txakwe, di hangalasa wutshi wo phuma; txisofu txakwe txi tate ngu kuhenya, ni lidimi lakwe li fana ni mndilo wo tshokomisa;

Mitengo 31:16

Wona taku, ngu vona vava va nga kuzetelwa ngu Bhalahamu, veza ve maha ti to vanana va ka Israyeli, ve onhela Mkoma, mhakani ka Peyori, se kumaneka txiruko hagari ka msengeletano wa Mkoma.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.

2 Samuwele 16:20

Sekoko Abhisalome a to khene ka Ayitofeli: Wombani txokari madingano ni ti hi fanelako ku timaha.

Dhewuteronome 13:6

Ngako mwananu, awu i ku mwanana wa mame wako, mwendo mwanana wako wa mfana, mwendo wa dihorana, mwendo msikati wa mbilu yako, mwendo mndoni wako wo randeka ngutu, a txi lava ku ku kujetela ngu malengo, a txi khene: “He tsimbile hi txi ya khozela simwani sizimu,” sizimu sile awe ni vatate vako mi nga mbi si ziva,

Levhi 24:11

Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani.

Mitengo 25:2

Vona va to ramba vathu kuya phaxela sizimu sawe; vathu va to dya, ve khizamela sizimu sawe.

Mavingu 7:5

kasiku si kuvhikela ka wamsikati wa vane, ka wule wa wubihi, wo tshambisela ngu mapswi akwe.

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Jakobe 3:7

Nguko, totshe tixaka ta sihari sa txitinga, ta sinyana, ta minyoka, ni ta sihari sa linene sa fuywa, si txi fuywa ngu m'thu.