Jakobe 3:4 - Bhiblia Yo Sawuleka

⁴ Wonani sitimela sa mati ni sona, hambiko i ku sa hombe, na si txi susumetwa ngu moya wa mtamo, aniko si kombwa nzila ngu lemu ya yidotho, si txi yiswa amuwa mtsimbitisi wa sona a lavako ku si txi ya kona.

Jakobe 3:4 Referans Kwoze

Matewu 8:24

Se ku to dhuka ku txi huma txihuhuri txa hombe lineneni, ahawa ka kuza mavimbi ma txi lava kukhubhunyeta ngalava; aniko Jesu a ti otete.

Jona 1:4

Aniko Mkoma a to rumela moya wa hombe lineneni, se ku to maheka txihuhuri txa hombe lineneni, se txitimela txi txi nga txo lava ni kubhandeka.

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Mithumo 27:11

Hambi keto, mthangeli wa dizana yi to engisa ta mtsimbitisi wa txitimela ni nyamne wa yona, kupinda ti ti wombwako ngu Paulo.

Jakobe 3:3

Ngako hi txi veka matomu mkanani ka mahantxhi, kasiku ma txi hi engisa, ha sikota kutsimbitisa wotshe mmidi wa ona.

Jakobe 3:5

Kufana ni toneto, lidimi ni lona, hambiko i ku txihango txa txidotho txa mmidi, la ti dhumisa ngu mithumo ya lona ya hombe. Wonani mndilo wa wudotho, wu hisa txitinga txa hombe ngutu.