Jakobe 3:2 - Bhiblia Yo Sawuleka

² Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Jakobe 3:2 Referans Kwoze

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

1 Pedro 3:10

Nguko, awule a randako wutomi ni kuwona masiku a kukateka, a na vekele matomu lidimi lakwe, e li hambukisa ka to biha, ni txisofu txakwe a txi txi hambukisa ka mapswi o kanganyisa.

Matewu 12:37

Nguko ngu ditshiku da kuthethiswa, Txizimu txi na lamula ti to u wamnene mwendo u wo biha madingano ni mapswi ako.”

Masalmo 34:13

Ngu kota yeto, hambana ni kuruketela: Txisofu txako txi nga thuke txi womba makuhu.

Mavingu 20:9

Ina aho waku a nga khene: Ni basisile mbilu yangu, ni kuwutwe sionho sangu!

Ekleziyaste 7:20

Ngu ditshuri kha ku na m'thu wo lulama txitimwi ka mafu, wo maha ta tinene, asi dhukiko e onha.

Varoma 3:10

nga ti ku nga bhalwa, va txi kha vona: “Kha ku nga ni wo lulama, hambi ni wammweyo.

Jakobe 1:4

Aniko, ta laveka ti to kuhonisela ku txi veka mthumo wo hetiseka, kasi ku mi txi maneka mi di vathu vo hetiseka, vo lulama, mi si nga ni txisolo ni txa tximwetxo.

1 Vafumeli 8:46

Ngako va txi kuonhela (nguko kha ku na m'thu asi onhiko), se awe u txi va henyela, u va ningela manzani ka mlala, kasi ku avale va no va ñola, ve va yisa ditikoni ka mlala kota tikhumbi, hambi i di kule mwendo hafuhi;

Jakobe 2:10

Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Vakolosa 1:28

Hi txhumayela ngu ngene, hi txi laya vathu ni ku va gondisa ngu wotshe wuzivi, kasiku hi kombisa votshe vathu na va di hetisekile ngu ka Kristu.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

Varoma 7:21

Ngu konaho ni manako mlayo wuwa, tito: Mbimo yi ni lavako kumaha ta tinene, wubihi wa humelela.

2 Makronika 6:36

Ngako va txi kuonhela (nguko kha ku na m'thu asi onhiko), se awe u txi va henyela, u va ningela masoni ka valala, kasi ku avale va no va ñola, ve va yisa ditikoni ka valala kota tikhumbi, hambi i di kule mwendo hafuhi;

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

Masalmo 39:1

Ani ni to khani: Ni na xayisa tinzila tangu, kasi ku ni si onhi ngu lidimi langu; ni na xayisa txisofu txangu ngu matomu mbimo yile m'bihi a ku masoni kwangu.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Levhi 13:39

ni kungako a di mxote mphaxeli e wona ti to mathanzi oneyo ma basile, kambe kha ma phatimi, nzirumbani dwe si nga humelela ha nyamani kakwe; a basile.

Jobe 15:13

Moya wako wu tshuralela Txizimu ngu kutxani, se u leka mapswi o ngeto me huma ngu mkanani kwako kani?