Jakobe 3:15 - Bhiblia Yo Sawuleka

¹⁵ nguko, wuzivi wo ngeto, kha wu ti ngu txitimwi, aniko mbuzivi wa ha mafuni; wa wuhari ni wa wusathane.

Jakobe 3:15 Referans Kwoze

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Jakobe 1:17

Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Timoti 4:1

Aniko Moya wa womba ngu kutsanisa ti to ka masiku awa ma tako vamwani va na hambana ni likholo, ve londeta mimoya yo kanganyisa ni tigondo ta vasathane.

Judha 1:19

Ngu vona va vangako mibhando, va fumwako ngu minavelo yo biha ya nyama, va si fumwiko ngu Moya.

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Johani 3:17

Nguko Txizimu kha txa rumela Mwanana wa txona ku ta abanisa ditiko, aniko txi mrumete ti to ditiko di ta mana kuhanyiswa ngu ngene.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

Mtuletelo 2:24

Aniko i di anu vamwani, va Tiyatira, mi si londeteliko gondo yiya, anu mi si ziviko kueta ka Sathani, nga tona ti va wombisako tona, na mi gela ti to kha ni lavi ku mi rweka wumwani mrwalo,

2 Vatesalonika 2:9

Kuta ka m'bihi ku na kombiswa ngu mithumo ya Sathani, a na va ni mitamo yotshe, ni sikombiso, ni sidiwukiso sa makuhu.

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Varoma 1:22

Va kha vona va ziva, kuve nzipumbu.

Mithumo 13:10

a txi khene: “Awe u nga tala ngu wukanganyisi ni wubihi wotshe, mwanana wa Sathani, mlala wa sotshe so lulama, khu leki kugombonyisa tinzila ta Mkoma, ati i ku to lulama kani?

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Luka 16:8

Ngu konaho, nyamne wa tithomba a xamate wutxhari wa muwoneleti wule wo biha, nguko vanana va ditiko diya, va txharihile ngutu amu ka kuthumisana ni va liveleko lakwe, kupinda vanana va liwoningo.”

2 Samuwele 16:23

Ka masiku ale, mapswi ale ma nga ti wombwa ngu Ayitofeli ma ti fana ni mapswi a Txizimu: Hambi Dhavhidha ni Abhisalome va ti ti themba ka otshe mapswi a Ayitofeli.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

2 Samuwele 13:3

Kambe Aminoni a ti ti ni mungana, wule ditina dakwe i nga ti ti Jonadhabhe, mwana Simeya, mwanawe wa Dhavhidha. Jonadhabhe i ti ti mfana wo txhariha ngutu.