Jakobe 3:14 - Bhiblia Yo Sawuleka

¹⁴ Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Jakobe 3:14 Referans Kwoze

Jakobe 3:16

Nguko, ahawa ku ku ni wukhuxu ni mibhando, ku na tumbuluka mazunga ni totshe tixaka ta sionho.

1 Vakorinto 13:4

Lirando la timisela, lirando li ni wumbilu, lirando kha li nga ni mazonda, lirando kha li ti guleti, lirando kha li ti kukumukisi;

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

Varoma 13:13

Nga tiya i ku mitshikari, he tsimbileni ngu fanelo, hi hambana ni limito mwendo wudevi, ni wugango mwendo wugelegele, ni livengo mwendo dibava.

2 Vakorinto 12:20

Ngu toneto, na thava ti to ngako ni txi ta, ni nata mi mana mi si nga ka ti ni ti randako, na nanu mi txi ta ni mana ni di ka ti mi si ti laviko. Na thava ti to hagari kwanu ku txi va ni mazunga, kuvengelana, kuhenyelana, wukhuxu, kurukana, kulumbetana, kutikukumukisa, vhilinganya.

Vafilipiya 1:15

Kha ditshuri, vamwani va huwelela Kristu ngu mabava ni mibango, aniko vamwani va huwelela ngu mbilu ya yinene.

Jakobe 5:19

Vanathu, ngako mmweyo wanu a txi leka nzila ya ditshuri, se mmwani a txi mu wuyisa ka nzila ya yinene,

Mithumo 5:17

Se mphaxeli wa hombe a to ema ni votshe valondeteli vakwe, ava i nga ti va mtxawa wa Vasadhusi, va di tate ngu livengo,

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

1 Timoti 6:4

a maha eto ngu mhaka ya kutikulisa, kha zivi txilo, i m'thu wo lwala a tsimbilako a txi wusa mazunga ni kukanetisana ka mapswi. Ngu konaho ku tumbulukako livengo, mazunga, kuruketela Txizimu, kualakanyela vamwani to biha,

1 Vakorinto 5:2

Se anu mi ti kukumukisako kha ma lava kuambala tinguwo ta mkhwasi, kasiku mi txi thavisa m'thu wu a nga maha wubihi wo ngeto, kani?

Varoma 2:8

kambe ava va kanetako, ava va lambako ditshuri, ve londetela wusoholoki, va na welwa ngu phango ni txiviti.

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Mavingu 14:30

Mbilu yo hanya kha kwati mbutomi wa mmidi, aniko dibava ngu sina ka marambu.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

Vagalatiya 6:13

nguko hambi vona va va ti yisako wukwerani kha va veketi mlayo. Aniko va navela ku mi yisa wukwerani, kasiku ve ti dhumisa ngu nyama yanu.

Vagalatiya 5:26

Hi nga ti guleteni, hi nga vhukaneni, hi nga vengelaneni.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

Vagalatiya 5:15

Aniko, ngako mi txi lumana ni kukakatxulana, ti woneleni mi si fuvisani ngu txanu.

1 Vakorinto 5:6

Mi ti dhumisa na ti si laveki. Ina kha mi tizivi ti to mtshumbelo wa wudotho wa sikota kuvilisa wurathi wotshe kani?

Varoma 2:17

Kambe, ngako awe u dhanwako ku u Mujudha, awe u thembako mlayo, u txi ti kulisa ngu Txizimu,

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;

Mithumo 26:9

“Nanani kale ni ti pimisile kulwa ngu totshe tinzila kasi kudaya ditina da Jesu wa Nazareta.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Matewu 27:18

Nguko a tiziva ti to va mu ningete ngu livengo.

Habhakuki 1:3

Ngu kutxani u ni wonisako to biha kani? U ni wonisako tingana kani? Nguko kuhoxota ni kuxanisa si masoni kwangu; kambe ku ni wule a wusako dizunga ni mnandu.

Isaya 11:13

A na tovela txiluse txa Efrayime, se valala va ka Judha va na loviswa, Efrayime kha na mbi lusela Judha, ni Judha kha na mbi xanisa Efrayime.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

2 Vafumeli 10:16

Se Jehu a to khene: Tsimbila ni nani, u na wona ku ti ningela kwangu ka Mkoma. Se Jehu a to mteka mu ka txikotxikani txakwe.

Genesisi 37:11

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

Mithumo 7:9

“Se vanana vava va Jakobe i ku vanyampande vathu va to va ni wukwele ka Josefa, ve mu xavisa, e yiswa Egipta, kambe Txizimu txi ti ni nene.

Vagalatiya 5:20

kukhozela sizimu sa walo, wuloyi, livengo, maguwa, txiluse, txitsikivi, kukanetana, ku ambi engisana, mibango,

1 Timoti 2:4

a navelako ti to votshe vathu ve mana kuhanyiswa ni kuziva ditshuri.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Genesisi 38:9

Ti di ngeto, Onani ngu kuziva ti to liveleko la kona kha li na mbi mlumba, txikhati ni txikhati txi a nga txi tshangana nayo, a ti ti theketela hahatshi, kasiku asi wuseli mkomwakwe liveleko.