Jakobe 3:13 - Bhiblia Yo Sawuleka

¹³ I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Jakobe 3:13 Referans Kwoze

Vagalatiya 5:23

kuthutha, kutipimela; kha wu nga ho mlayo wu wu tsimbisako siya.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Matewu 5:5

Va katekile ava vo thutha, nguko va na mana thomba ya mafu!

Vakolosa 3:12

Nga ti mi nga sawulwa ngu Txizimu, mi manekako mi di basile ni kurandeka, ambalani moya wa wumbilu, wa wunene, wa kutiveka hahatshi, wa kuthutha ni wa kutimisela;

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Jakobe 2:18

Kambe mmwani a na khene: “Awe u ni likholo, se ani ni na ni mithumo. Ni kombe likholo lako lo mbi na mithumo, ani ni na kukomba likholo langu ngu mithumo yangu.”

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Ekleziyaste 8:1

I mani a fanako ni txhari kani? Niku i mani a zivako kutxhamusela to maha kani? Wutxhari wa m'thu wa maha khohe yakwe yi phatima, ni kukhwanyela ka khohe yakwe ka txitxa.

Masalmo 107:43

Awule i ku wo ziva, a na yi wonisisa mhaka yiya, e pimisa lirando la Mkoma.

1 Timoti 4:12

Ku nga ve ni m'thu wo dhelela wuzambi wako, aniko, kuhambana nito, kulaveka u va txikombiso masoni ka makholwa, amu ka kutxhumayela dipswi, amu ka mahanyelo, amu ka lirando, amu ka likholo, amu ka kubasa mbilu.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

Vaefesu 4:2

ngu kotshe kutiveka hahatshi, ni kudikha, ni kuhonisela, mi divalelana ngu lirando,

Vagalatiya 6:4

Aniko m'thu ni m'thu a na wonisise mithumo yakwe, se ngu kona a no sikota ku ti dhumisa ngu mithumo yakwe dwe, i si nga ngu ku ti dinganisa ni vamwani;

Vagalatiya 6:1

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

2 Vakorinto 8:24

Ngu toneto, va kombeni, ti txi woneka ha kubasani, masoni ka mabanza, ti taku ma va randa ni ti taku hi womba ditshuri ngako hi txi ti dhumisa ngu nganu.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Matewu 21:5

“Gelani dihorana da Siyoni, mi txi khanu: Ndiyo wata Mkoma wako wa kuthutha, a di gadhile mbongola, yi ku ni tximbongolana, txi i ku mwanana wa yona.”

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Jeremiya 9:12

I mani a nga txhariha madingano ni ku e ziva tiya kani? I mani wuwa txisofu txa Mkoma txi nga womba-womba kwakwe, kasi e hi zivisa ti taku ditiko di onhisilwe ngu kutxani kala di ti hisilwe kufana ni txiwula, ku si ngadi kupinda ni m'thu kani?

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

1 Vakorinto 6:5

Ni wombisa tiya kasiku mi pfa tingana. Ina kha nga ho hagari kwanu m'thu wo ziva, awu a sikotako kulamula hagari ka vanawe, kani?

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Isaya 60:6

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa Mkoma.

Ekleziyaste 8:5

Awule a xayisako sirumo kha na mbi welwa ngu to biha; se mbilu ya txhari ya ziva mbimo ni mamahelo.

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.

Masalmo 25:9

e tsimbitisa va kutiveka hahatshi ngu nzila ya yinene, ni ku va gondisa kumaha kuranda kwakwe.

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

1 Pedro 1:15

Aniko, ngako awule a nga mi dhana, i ku msawuleki, na nanu mahani vasawuleki ka yotshe mithumo yanu.

Masalmo 122:8

Ngu lirando ka vanathu ni vangana vangu, ni na khani: “Kudikha ku nave ni nawe!”