Jakobe 2:3 - Bhiblia Yo Sawuleka

³ Se mi amukela kwati awule wa kubomba, mi txi khanu: “Awe khalahatsha hawa ka txikhalo txa masoni,” ngu msana mi txi khanu ka wule wa txikulungu: “Awe ema konaho” mwendo ku khanu: “Awe khalahatsha hahatshi ka txikandetelo txa mikondo yangu.”

Jakobe 2:3 Referans Kwoze

2 Vakorinto 8:9

Ma wu ziva wunene wa Mkoma wathu Jesu Kristu. Ene hambiko i ku nyamne wa sotshe, a ti mahile txisiwana, kasiku anu mi txi mana sotshe ngu mhaka ya wusiwana wakwe.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Isaya 65:5

Se va txi kha vona: Khukha hawa, u nga tshukete hafuhi ni nani, nguko ani ni sawulekile ngutu kupinda awe. Avava mbutshi tithonvuni kwangu, mdilo wu wu turako ditshiku dotshe.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.

Luka 23:11

Herodha ni masotxhwa akwe va to womba-womba nayo ngu ku mu eyisa ni ku mu poyilela. Se ve mu ambeka nguwo yo khetima, va txi tshumela ve m'rumela ka Pilato.

Jakobe 2:2

Nguko, ngako a txi bwaka m'thu mtshanganoni kwanu, na a di ambate ringi ya nzalama litihoni kwakwe, na kambe a di ni syambalo sa kutshura; se ngu msana ku txi ta mmweyo wa txikulungu, na adi ambate sa nzambwa.