Jakobe 2:25 - Bhiblia Yo Sawuleka

²⁵ Kufana ni toneto, nene Rahabhi, wa digelegele, ina kha mahwa mlulami ngu mithumo mbimo yi a nga amukela mitumi a txi yi tshumeta ngu yimwani nzila, kani?

Jakobe 2:25 Referans Kwoze

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Joxuwa 2:15

Sekoko Rahabhi a to va txhikisa ngu ngoti ngu ha difasitelani, nguko nyumba yakwe yi ti akilwe ngu txitimwi ka diguma da didhoropa, eho a nga ti zumba kona.

Joxuwa 2:4

Aniko awule wamsikati a to teka vavamna vale vavambidi, e va sisa, se a txi khene: “Kha ditshuri, vavamnevo va tile hawa kwangu, aniko kha na tiziva ti to va ta ngu hani.

Joxuwa 6:17

“Didhoropa di na ruketelwa masoni ka Mkoma, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Matewu 1:5

Salmoni ni Rahabhi, va to veleka Bhowazi, Bhowazi ni Rute va to veleka Obhedhi, Obhedhi a to veleka Jese.

Jakobe 2:22

Se, wa ti wona ti to likholo lakwe li thumisani ni mithumo, ni ti to likholo li ningilwe kuhetiseka ngu mithumo, kani?

Jakobe 2:18

Kambe mmwani a na khene: “Awe u ni likholo, se ani ni na ni mithumo. Ni kombe likholo lako lo mbi na mithumo, ani ni na kukomba likholo langu ngu mithumo yangu.”

Joxuwa 2:6

Aniko ene, a ti ti va kwelisile hathala, a txi va sisile hagari ka tinyanda ta linyu, a nga ti ti veketete hathala.

Joxuwa 2:16

Se a to va gela ku khene: “Tsulani mmangoni, kasi ku avale va mi londetako va si thuki ve mi mana; se sisalani kona eyo masiku mararu, kala kuza va txi wuya avale va mi londetako, se msana keto, tsulani ngu nzila yanu.”

Mithumo 17:7

se Jasoni a va amukete m'tini kwakwe, kasi vona votshe va kanyisa mlayo wa Khezari, va txi kha vona waho mmwani mfumeli, i ku Jesu!”

Jakobe 2:24

Ma ti wona ti to m'thu a mahwa wo lulama ngu mithumo i si nga ngu likholo dwe.