Jakobe 2:14 - Bhiblia Yo Sawuleka

¹⁴ Vanathu, ti vhuna txani, ngako m'thu a txi khene a ni likholo na nga ni mithumo kani? Kukholwa ko nga toneto ina ku nga mu hanyisa kani?

Jakobe 2:14 Referans Kwoze

Luka 6:49

Aniko awu a engisako mapswi angu, asi ma thumisi, a fana ni m'thu wu a nga aka nyumba yakwe ha divhunyeni, yi si na makhato; ngako mtalo wa mati wu txi yi peka, yi kuluveta kuwa, se kulova ka nyumba yiya ku txi va i di ka manyala.”

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

2 Pedro 1:5

Ngu mhaka ya totshe tiya, khutalani nga ti mi ti kotisako tona, mi txi tsanisa wunene ngu wuzivi;

Jakobe 2:26

Nguko, kufana ni mmidi wu wu ku si nga ni moya wu wu balwako ti to wu fite, ngu toneto ni lona likholo li fite, ngako li si nga ni mithumo.

Vahebheru 11:17

Ngu likholo, Abrahamu, mbimo yi a nga dukwa, a ningete Isaake. A ningete mwanana wakwe wammweyo ekha ngu ku a nga amukela sithembiso,

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Jakobe 2:18

Kambe mmwani a na khene: “Awe u ni likholo, se ani ni na ni mithumo. Ni kombe likholo lako lo mbi na mithumo, ani ni na kukomba likholo langu ngu mithumo yangu.”

Mithumo 8:21

Ka mhaka yiya khu na txyavelo hambi thomba, nguko mbilu yako kha ya lulama masoni ka Txizimu.

Matewu 5:20

Nguko ani na mi gela ti to ngako anu mi si mahi kuranda ka Txizimu ngu kuthembeka kupinda vabhali ni Vafarisi, kha mi na mbi wulela Mfumoni ka nzumani.”

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

1 Timoti 1:5

Txivangelo txa txileleto txiya ngu lirando, li li humako ka mbilu yo basa, ka livhalo la linene ni ka likholo lo mbi na kukanganyisa.

1 Vatesalonika 1:3

Ha khumbula mithumo yanu ya likholo, kukhutala kwanu ka lirando, ni kutimisela kwanu ka txithembo txi mi ku natxo ka Mkoma wathu Jesu Kristu, masoni ka Txizimu, Tate wathu.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

1 Vakorinto 15:2

ayi yi no mi hanyisa, ngako mi txi yi veketisa tiya ni nga mi txhumayelisa tona. Hahanze keto, kukholwa kwanu ku nga va i di ka mahala.

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Jakobe 2:16

se mmweyo wanu a txi va gela a txi khene: “Tsulani ngu kuthutha, futumelani mi khura;” na mi si va ningi txilo txa ku va vhuna ngu txona mmidi wawe, mapswi anu ma vhuna txani kwawe kani?

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Mithumo 8:13

Nene Simoni a to tumela e bhabhatiswa e londeta Filipi. Se a txi xamala ngutu ngu kuwona sikombiso ni sidiwukiso sa hombe si nga ti mahwa.

Jeremiya 7:8

Anu mi themba timhaka ta makuhu ti si mi vhuniko txilo.

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

Varoma 2:25

Kha ditshuri, wukwera wa vhuna, ngako u txi veketa mlayo, kambe ngako u di mndaki wa mlayo, wukwera wako wu na va wu di phindukile wu maha wukhutu.

Luka 3:11

Ene a to va xamula a txi khene: “Awule a ku ni mabhaji mambidi, a na abane ni wule a ku si nga ni da dimwedo; awule a ku ni sakudya a na mahe toneto nene.”

Jakobe 1:16

Vanathu vo randeka ngutu, mi nga ti kanganyiseni.