Jakobe 2:10 - Bhiblia Yo Sawuleka

¹⁰ Kha ditshuri, awule a veketako sotshe sirumo sa mlayo, aniko a kanyisako txirumo tximwetxo txa mlayo, a maneka a di ni mnandu wa kueyisa wotshe mlayo.

Jakobe 2:10 Referans Kwoze

Vagalatiya 3:10

Nguko vavekisi va Mlayo, votshe va maneka hahatshi ka kuruketelwa, nguko ti bhatwe taku: “A ruketetwe wuhi ni wuhi asi vekisiko sileleto sotshe si si nga bhalwa dibhukuni ka Mlayo.”

Dhewuteronome 27:26

“Dikhombo di nave ka wule a si ñolisisiko mapswi a mlayo, asi ma vekisi!” Vathu votshe va na womba va txi kha vona: “Amen!”

Vagalatiya 5:3

Na engeta ni txi tsanisa ka votshe va va yako wukwerani ti to va fanela kuvekisa totshe ti Mlayo wu rumako tona.

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.