Jakobe 2:1 - Bhiblia Yo Sawuleka

¹ Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.

Jakobe 2:1 Referans Kwoze

Mavingu 24:23

Aawa ni ona, ngu ona mavingu titxhari. Hi nga ta tinene kulamula ngu kuwona khohe.

Jakobe 2:9

Aniko, ngako mi txi sawula madingano ni khohe ya m'thu, mi maha txionho, mi na abaniswa ngu mlayo, nga sindaka-milayo.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Mavingu 28:21

Ku mahela txithavo m'thu ngu kuwona khohe, hi nga ta tinene, nguko ngu sakudya sa sidotho, m'thu a nga timetwa.

2 Makronika 19:7

Konkuwa koko, thavani Mkoma, mi vekisa ni kuxayisa sileleto sakwe nguko kha ku na kukanganyisa ka Mkoma Txizimu txathu, hambi kuya ngu khohe ya m'thu, hambi kuamukela simaha.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Jakobe 2:3

Se mi amukela kwati awule wa kubomba, mi txi khanu: “Awe khalahatsha hawa ka txikhalo txa masoni,” ngu msana mi txi khanu ka wule wa txikulungu: “Awe ema konaho” mwendo ku khanu: “Awe khalahatsha hahatshi ka txikandetelo txa mikondo yangu.”

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

Matewu 22:16

Se va to m'rumela vagondiswa vawe ni va ka Herodha, va txi ya kha vona: “M'gondisi, ha tiziva ti to u na ni ditshuri ni ti to u gondisa nzila ya Txizimu ngu ditshuri, u si khatali ngu m'thu, nguko khu yi ngu txiemo txa m'thu.

1 Vakorinto 2:8

i ku wutxhari wu ni mmweyo mkoma wa ha mafuni muwa asi wu ziviko; nguko idiku va ti kova nawo wuzivi wuwa, nga va sa m'gogotela ha txhihambanoni ene Mkoma wa wudhumo.

Mtuletelo 14:12

Atiya ngu tona ti tsanisako kuhonisela ka vasawuleki, ava va veketako sirumo sa Txizimu ni likholo la Jesu.

Titosi 2:13

na hi txi verela txithembo txathu txa ditshuri, i ku kupfaliswa ka Txizimu txathu txa hombe ni Muhanyisi wathu Jesu Kristu.

Mithumo 20:21

Kufakaza kwangu i ti ka kulaya Vajudha ni Vagriki, kasiku ve hunduluka ve kholwa ka Txizimu, ni ka Mkoma wathu Jesu Kristu.”

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

1 Timoti 1:19

na u di ni likholo ni livhalo la linene, nguko vamwani, ngu kunyenya livhalo la linene, likholo lawe li onhekile.

Vakolosa 1:4

nguko hi pfite kukholwa kwanu ka Kristu Jesu, ni lirando lanu ka vasawuleki votshe;

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Varoma 1:11

Nguko na xuva ngutu ku mi wona, kufela ku miha txiningo txokari txa Moya, kasiku mi tsaniswa.

Mithumo 24:24

Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Mithumo 7:2

Sitefani a to xamula, a txi khene: “Anu vanathu ni nanu vatata, ni engiseni! Txizimu txa wudhumo txi ti kombisile ka tate wathu Abrahamu, na a di ngadi Mesopotamiya, na a sinzi kuaka Harani,

Mithumo 10:34

Konaho Pedro a to khata kuwombawomba, a txi khene: “Kha ditshuri se na ti wona ti to Txizimu kha txi khedhi m'thu.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Jakobe 1:16

Vanathu vo randeka ngutu, mi nga ti kanganyiseni.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.