Jakobe 1:9 - Bhiblia Yo Sawuleka

⁹ Mwanathu wu a ku wusiwanani, a na tsake ngako a txi guletwa.

Jakobe 1:9 Referans Kwoze

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

Luka 1:52

A va txhikisile hahatshi ka sikhalo sawe sa wukoma avale va mtamo, a txi guleta ava va kutiveka hahatshi.

Mavingu 17:5

Awule a sekako txisiwana a ruka wule a nga txi vanga; awule a tsakiswako ngu phango kha na mbi huluka kutsayiswa.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

Dhewuteronome 15:11

Kha ku na mbi pwateka txisiwana ha ditikoni; ngu toneto, na kuruma ni khani: Nawuluta dianza dako ngu kutxhatxheka u vhuna mwananu, ni txikulungu txi txi ku ditikoni kwako.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Dhewuteronome 15:7

Ngako ku txi maneka txisiwana txokari hagari ka vananu, ka sike sokari sako, ka ditiko dako, adile Mkoma, Txizimu txanu, a ku ningako, u nga bangise mbilu yako, kambe u nga fumbarete dianza dako ka mwananu, wule i ku txisiwana;

Vafilipiya 3:14

ni tsimbilisa kuya magwito, kala kuya mana txhatxhazelo ya kuxula, ayi ni dhanelwako yona nzumani ngu Txizimu, ditinani ka Kristu Jesu.

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Varoma 8:17

Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

Luka 9:48

“Wuhi ni wuhi a amukelako tximwananana txiya ngu ditina dangu, wa ni amukela; se awu a ni amukelako, a amukela wu a nga ni ruma. Nguko awu i ku wam'dotho hagari kwanu motshenu, ngene i ku wa hombe.”

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”