Jakobe 1:8 - Bhiblia Yo Sawuleka

⁸ Nguko, eyo i m'thu wa mipimiso yimbidi, wa kana-kana ka totshe tinzila takwe.

Jakobe 1:8 Referans Kwoze

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

2 Pedro 2:14

Maso awe ma tate ngu wugango, kha ma kolwi ngu sionho; se va lava ku ndindela txionhoni ava i ku vo mbi tsana; mbilu yawe yi tolovete makolo. Vona mbanana vo ruketelwa.

2 Vafumeli 17:41

Ngu kumaha keto, mifumo yiya yi txi thava Mkoma, ni kuthumela sithombe sawe so vatwa; nga tile va nga maha vatate vawe; va mahisa toneto ni vona vanana vawe, ni vanana va vanana vawe, kala ka ditshiku da nyamsi.

2 Pedro 3:16

Ngu toneto, nene a wombisako tona ka otshe mapapilo akwe ngako a txi gwesa mhaka yiya ka ona mapapilo awa. Ti ho timhaka to kari ti ti karatako ku ti engisisa, atiya vathu vo mbi ziva ni vo mbi tsana va ti soholotako, madingano ni ti va ti mahako ka yimwani Mibhalo, va txi ti lovisa vapune.

2 Vafumeli 17:33

Ngu kumaha keto, va ti ti ni txithavo ka Mkoma, ni kuthumela sizimu sawe, madingano ni sihena sa mifumo yile va nga ti tekilwe ka yona.

Hoseya 10:2

Timbilu tawe ti abanekile; ngu kumaha keto, va na va ni mnandu; a na wilela siluvelo sawe, e khundumusa ni sifananiso sawe so wumbwa.

Matewu 6:22

“Dilambu da mmidi ngu diso. Ngu konaho, ngako diso dako i di dinene, wotshe mmidi wako wu na tala ngu liwoningo.

Masalmo 119:113

Na nyenya vakanganyisi, aniko ni randa mlayo wako.

Jakobe 1:7

M'thu wo ngeto, a nga pimise ti to wa ningwa txihi ni txihi ngu Mkoma.