Jakobe 1:6 - Bhiblia Yo Sawuleka

⁶ Aniko a na kombele ngu likholo, asi kanakani; nguko awule a kanakanako, a fana ni divimbi da linene, di rethwako ni kuvhiluswa ngu moya di tshotshwa khe ni khe.

Jakobe 1:6 Referans Kwoze

Vahebheru 11:6

Se hahanze ka likholo kha ti koteki ku txi tsakisa Txizimu, nguko, awule a tshuketelako hafuhi ka Txizimu, a fanete kukholwa ti to txona txi ho, ni ti to txa ninga txhatxhazelo ka vale va txi lavako.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

Vahebheru 10:23

Na hi si rereki, ahi yeni masoni ngu kutsana hi txi kombisa txithembo txathu, nguko awule a nga hi mahela txithembiso, mbwo thembeka.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

2 Pedro 2:17

Vathu vava va fana ni sisima so mbina mati, ni marefu awa ma susumetwako ngu moya wa txihuhuri. Se txidema txa hombe ngutu txi va rinzete.

Genesisi 49:4

Wo khulunga nga mati, Awe khu na mbi guletwa, nguko u tsani u txi kwela ha m'bhedhuni ka tate wako. Sekoko u wu nyenyezisile m'bhedhu wangu!

Matewu 14:28

Pedro a to xamula a txi khene: “I di awe, Mkoma ni dhane ni txi ta kwako ngu txitimwi ka mati.”

Mithumo 10:20

Khukha u txi ema, u txhika u txi tsula navo, u nga kanakane, nguko ngani ni nga va ruma.”

Jakobe 1:7

M'thu wo ngeto, a nga pimise ti to wa ningwa txihi ni txihi ngu Mkoma.

Jakobe 5:15

Mkombelo wa likholo wu na hanyisa mlwali e mana kuamukelwa ngu Mkoma. Se, hambi a di mahile sionho, si na divalelwa.