Jakobe 1:4 - Bhiblia Yo Sawuleka

⁴ Aniko, ta laveka ti to kuhonisela ku txi veka mthumo wo hetiseka, kasi ku mi txi maneka mi di vathu vo hetiseka, vo lulama, mi si nga ni txisolo ni txa tximwetxo.

Jakobe 1:4 Referans Kwoze

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Luka 21:19

Ngu kutimisela kwanu, mi na hanyisa mimoya yanu.

Matewu 5:48

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

2 Timoti 3:17

kasiku m'thu wu i ku wa ka Txizimu a txi va a di hetisekile, a txi lulamiselwa ka yotshe mithumo ya yinene.

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Masalmo 40:1

Ni verete ngu themba ka Mkoma se ene a to nama kwangu a txi engisa miketo yangu.

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Vakorinto 2:6

Hambi keto, athu hi womba-womba ngu wuzivi hagari ka vale i ku vo thembeka, kambe hi womba-womba ngu wuzivi wo va i si nga wa ditiko diya, awu kambe i si nga wuzivi wa va va fumako ditikoni muwa, ava va no gwita ngu kufa.

Vakolosa 4:12

Wa mi dingula Epafrasi, i ku mmweyo wanu, txithumi txa Kristu Jesu, txi lwako yotshe mbimo ngu nganu mikombeloni kwakwe, kasiku mi zumba mi di va kuhetiseka, mi di va kutsana amu ka kumaha totshe ti Txizimu txi ti randako.

Luka 8:15

Ati ti nga wela ha mafuni ka kunene, ngu va va nga engisa Dipswi ngu mbilu ya yinene ni yo lulama, ve di xayisa, ve veleka mihando ngu kutimisela.”

Matewu 10:22

Nananu mi na vengelwa ngu votshelele ngu mhaka ya ditina dangu. Aniko awu a no timisela kala magwito, ngene a no hanyiswa.

Jobe 17:9

Se awule wo lulama a na londisa nzila yakwe a di tsani, ni wu wa manza o sawuleka, mtamo wakwe wu na engetelwa.

Mavingu 4:8

Guleta wutxhari, ni wona wu na kuguleta; se ngako awe u txi khutarela wutxhari, wona wu na kudhumisa.

2 Pedro 1:9

Nguko, awu a ku si nga naso siya sotshe, ndibhofu, kha woni kule, kambe a divate ti to a basisilwe ka sionho sakwe sa kale.

Johani 17:23

Ani kwako ni nawe kwangu, kasiku va txi va i di va kutatiseka amu ka wumwewo, ni ti to ditiko di txi tiziva taku awe u ni rumile, ni ti kambe taku awe u va randile, nga ti u nga ni randisa tona ani.

Luka 18:22

Ku ti ngako Jesu a txi pfa toneto, a to khene kwakwe: “Njilo tximwetxo txi pwatekako kwako. Xavisa sotshe si u ku naso, u txi avela sisiwana, ngu kona u no va ni txuma nzumani; senikoko, ngono u txi ni londisa.”

Marku 10:21

Konaho Jesu a to gula maso a txi mu wonisisa ngu ku m'dhunda, se a txi mu gela tiya: “U pwatekelwa ngu txilo tximwetxo dwe: Tsula u txi ya xavisa sotshe si u ku naso, u txi ningela ka sisiwana. U na mana thomba nzumani. Se ngono u txi ni londeta.”

Matewu 19:20

Awule wa dijaha, a to angula, a txi khene: “Totsheleleto ni ti veketile kukhukhela ha wananani kwangu. Nji txani kambe txi nga sala kani?”

1 Vatesalonika 5:23

Txizimu txa kudikha ngu wutumbu wa txona txi na mi basise ka sotshe, se wotshe wuthu wanu, m'hefemulo, moya, ni mmidi, zumbani mi di si veketile ngu fanelo kala kuwuyani ka Mkoma wathu Jesu Kristu.