Jakobe 1:3 - Bhiblia Yo Sawuleka

³ ngu kuziva ti to txiduko txa likholo lanu, txi ninga kuhonisela.

Jakobe 1:3 Referans Kwoze

Vahebheru 10:36

Kha ditshuri, mi fanete kuva ni kutimisela kasi ku mi txi maha kuranda ka Txizimu, mi mana asi txi nga mi thembisa sona.

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

2 Vakorinto 4:17

Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

2 Pedro 1:6

mi txi tsanisa wuzivi ngu kutipimela, mi txi tsanisa kutipimela, ngu kuhonisela, mi txi tsanisa kuhonisela ngu wukhongeli,

Varoma 8:25

Ngako hi txi verela atxi hi si txi woniko, hi txi verela ngu kutimisela.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

2 Vatesalonika 3:5

Mkoma a na tsimbitise timbilu tanu a txi ti yisa ka lirando la Txizimu, ni kutimiselani ka Kristu.

2 Vatesalonika 1:4

Ngu toneto, ha ti kulisa ngu nganu hagari ka mabanza a Txizimu, ngu mhaka ya kutimisela kwanu ni kukholwa kwanu amu ka sotshe sixaniso ni mihumbo yi mi yi rwalako.

Varoma 2:7

Txi na ninga wutomi wo mbi na magwito, ava vo simama kumaha ta tinene, ngu kulava wudhumo ni lisima ni wutomi wo mbi guma, ngu kutimisela ka mithumo yo tshura;

Luka 21:19

Ngu kutimisela kwanu, mi na hanyisa mimoya yanu.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.