Jakobe 1:26 - Bhiblia Yo Sawuleka

²⁶ Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

Jakobe 1:26 Referans Kwoze

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Masalmo 141:3

Mkoma, veka muwoneleli wa txisofu txangu ni mxayisi ha txikeni ka txisofu txangu.

1 Pedro 3:10

Nguko, awule a randako wutomi ni kuwona masiku a kukateka, a na vekele matomu lidimi lakwe, e li hambukisa ka to biha, ni txisofu txakwe a txi txi hambukisa ka mapswi o kanganyisa.

Vaefesu 5:4

Hambi mapswi a tingana, hambi a wubhemba mwendo sipoyilo, kha si laveki, aniko thumisani mapswi a kubonga.

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Masalmo 34:13

Ngu kota yeto, hambana ni kuruketela: Txisofu txako txi nga thuke txi womba makuhu.

Mavingu 10:31

Txisofu txa m'thu wo lulama txi humisa wutxhari wo tala ngutu, aniko lidimi lo hambanisela li na wilwa.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Vakolosa 4:6

Kuwomba-womba kwanu ku nave ko tsakisa yotshe mbimo, na ku di lungilwe ngu m'nyu, ti to mi ziva ti mi fanelako kuxamulisa tona m'thu ni m'thu.

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Mavingu 16:25

Ku ni nzila yile yi ku nga njinene ka m'thu, aniko magwito akwe ngu tinzila ta lifo.

Luka 8:18

Ngu konaho, ti engiseni kha kwati ati ni mi gelako. Nguko awuwa a ku naso, a na engetelwa; aniko awu a ku si nga naso, a na tekelwa ni si a nga ti si themba ku a naso.”

Vagalatiya 6:3

Nguko, ngako m'thu a txi pimisa ti to njilo, na i si nga txilo, wo ti xenga apune.

Mavingu 14:12

Ku ni nzila yile m'thu a yi wonisako ku nga yi lulamile, aniko magwito ka yona ndinzila to yisa kufani.

Dhewuteronome 11:16

Ti woneleni timbiluni kwanu, mi si phazami, mi txi hambukiswa, mi ya khozela simwani sizimu, mi txi khizama masoni ka sona,

Vagalatiya 2:6

Se ngu didhawa da vale va nga ti woneka nga vathangeli va kona, mwendo kambe i ti si nga vona, kha ni nga ni mhaka nato: Txizimu kha txi yi ngu khohe ya m'thu vonavo kha va nga ni kurumeta kuengetela txilo.

Marku 7:7

Kukhozela kwawe nga mahala, nguko tigondo ti va gondisako nzileleto sa vathu dwe.’

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Mavingu 21:26

A heta dotshe ditshiku a txi navela, aniko mlulami wa ninga, kha toni.

1 Vakorinto 15:2

ayi yi no mi hanyisa, ngako mi txi yi veketisa tiya ni nga mi txhumayelisa tona. Hahanze keto, kukholwa kwanu ku nga va i di ka mahala.

Matewu 15:9

Va ni khizamela walo, nguko tigondo ti va gondisako nzileleto sa vathu dwe.’ ”

Malakiya 3:14

Anu mi khanu: Kha ti vhuni txilo kuthumela Txizimu; ti hi vhunile txani kuxayisa sileleto sa txona, ni kutsimbila hi di ambate mizila ya txidilo masoni ka Mkoma wa Mabutho a Tiyimbi kani?

Isaya 1:13

Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

1 Vakorinto 15:15

Se, ngu yiya nzila, hi tifakazi ta makuhu ta Txizimu, nguko ha txi fakazela ti to txona txi wusile Kristu, na txi sa m'wusa, ngako i di ditshuri ti to vafi kha va wuki kufani.

Mavingu 16:10

Kuhutetela kuhuma txisofuni ka mfumeli; ka mbimo ya kulamula kha sikizi.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Masalmo 32:9

U nga ti mahe ku nga dihantxhi mwendo ku nga mbongola, asi si ku si nga ni mapimo, asi si lavako dijoke ni matomu, kasiku u sikota ku si ñola ngu hafuhi.”

Jakobe 2:20

Awe m'thu wa txipumbu, wa ti lava kuwona ti to likholo li li ku si nga ni mithumo kha li vhuni txilo, kani?

Vagalatiya 3:4

Ati ta hombe ti nga mi humelela ti nga va i di ta walo kani? Tona kha ta nga va ta walo!

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

Jobe 15:13

Moya wako wu tshuralela Txizimu ngu kutxani, se u leka mapswi o ngeto me huma ngu mkanani kwako kani?

Jobe 30:11

Nguko Txizimu txi nawulutile ngoti ya txona txi ni khozisa; ngu kumaha keto, va rinzile matomu awe khoheni kwangu.