Jakobe 1:25 - Bhiblia Yo Sawuleka

²⁵ Kasi awu a khutalako ngu kugonda mlayo wa kuhetiseka wa wuthuseki, e wu simamela, asi ti mahi muengisi wo divala, aniko a veketako ati wona wu rumako, eyo a katekile ka tile a ti mahako.

Jakobe 1:25 Referans Kwoze

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Johani 13:17

Ngako mi txi tiziva tiya ni ku ti thuma, mi katekile.”

1 Pedro 2:16

Hanyani nga vathuseki; kambe, mi nga thumiseni wuthuseki wanu kasi kufenengeta wubihi, aniko hanyani nga sithumi sa Txizimu.

Jakobe 2:12

Ngu konaho, wombawombani mi txi thuma, nga vathu va va fanelako kulamulwa ngu mlayo wa wuthuseki.

Vagalatiya 5:1

Kristu a hi txhatxhile kasiku hi zumba hi di txhatxhekile. Ngu toneto, zumbani mi di tsani, mi nga tumeleni kutshumela mi sungwa kambe ngu dijoke da wukhumbi.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

2 Vakorinto 13:5

Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka.

Varoma 11:22

Ngu konaho, khumbuka wunene wa Txizimu, ni kukarata ka txona; Txizimu txa karata ka vale va nga wa; txi komba wunene kwako ngako u txi simama wuneneni; aniko ngako u si mahisi toneto, na nawe u na gangwa.

Mavingu 14:15

Txiphukuphuku txi tumela otshe mapswi, aniko m'thu wo txhariha a xolisisa otshe mapswi.

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Johani 8:36

Ngu toneto, ngako Mwanana a txi mi thusa, mi na va mi di thusekile kha ditshuri.

Masalmo 106:3

Va katekile avale va vekisako milayo yakwe avale va mahako kululama yotshe mbimo.

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

1 Timoti 2:15

Hambi keto, wamsikati a na hanyiswa nguko a velekako vanana, ngako a txi timisela amu ka likholo, ni mu ka lirando, ni mu ka ku ti sawulekisa, ni kutiñola.

Varoma 7:12

I di mlayo wu sawulekile, ni mthetho ni wona wu sawulekile, wu lulamile, kambe mbunene.

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

Mithumo 13:43

Ku ti ngako msengeletano wu di hangalakile, Vajudha vavangi ni valondeteli va va thavako Txizimu, va to londisa Paulo ni Bharnabhasi; vona, ngu mabhulo awe navo, va to va khongotela kasiku ve simama kuhanya amu ka kateko ya Txizimu.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Masalmo 119:45

Kambe ni na hanya ngu kutxhatxheka, nguko ni londetile sileleto sako.

Masalmo 119:32

Ni na khutalela kuvekisa sirumo sako, nguko atiya ti na ni ninga wuzivi wa hombe.

1 Samuwele 12:14

Se ngako mi txi thava Mkoma, ni ku mthumela, ni kuengisa dipswi dakwe, kambe mi si leki sileleto sa Mkoma, anu ni mfumeli wu a fumako txitimwi kwanu, mi na londeta Mkoma, Txizimu txanu.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

1 Johani 2:24

Aniko, anu khutalani, kasi ku ti txi zumba kwanu ati mi nga tiengisa, kukhukhela makhatoni. Ngako ti txi zumba kwanu ati mi nga tiengisa kukhukhela makhatoni, nanu mi na zumba ka Mwanana ni ka Tate.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.

Varoma 8:2

Nguko mlayo wa Moya wa wutomi awu wu ku ka Kristu Jesu wu ni txhatxhile ka mlayo wa txionho ni lifo.

Vagalatiya 6:2

Vhunanani kurwala mirwalo yanu, kasiku mi na sikota kuveketa Mlayo wa Kristu.