Jakobe 1:22 - Bhiblia Yo Sawuleka

²² Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Jakobe 1:22 Referans Kwoze

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.

Johani 13:17

Ngako mi txi tiziva tiya ni ku ti thuma, mi katekile.”

Jakobe 4:17

Ngu toneto, awule a zivako kumaha ta tinene, asi mahi, a ni txionho.

1 Johani 2:3

Hi komba ti to ha m'ziva Tate, ngako hi txi veketa milayo yakwe.

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Vakolosa 3:17

Ani totshe ti mi ti mahako ngu mapswi ni mithumo, ti maheni ngu ditina da Mkoma Jesu, na mi txi bonga ngu ngene ka Txizimu Tate.

Mtuletelo 22:7

Jesu a khene: “Wonani, nata konkuwa! A katekile awu a veketako mapswi a kuprofeta ka dibhuku diya.”

1 Johani 3:7

Sivananananu, m'thu a nga thuke e mi timeta. Awu a mahako to lulama, a lulamile kufana ni nene Jesu a nga lulama.

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

3 Johani 1:11

Wo randeka, u nga etsetele wubihi, aniko etsetela wunene. Awu a mahako wunene, a lumba Txizimu; awu a mahako wubihi, kha txi wona Txizimu.

Vagalatiya 6:3

Nguko, ngako m'thu a txi pimisa ti to njilo, na i si nga txilo, wo ti xenga apune.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

1 Johani 1:8

Ngako hi txi womba ti to kha hi nga ni txionho, ha ti kanganyisa, se ditshuri kha di nga ho kwathu.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

1 Vakorinto 15:33

Mi nga ti kanganyiseni: “Vangana vo biha va onhetela mikhuwo ya yinene.”

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

2 Pedro 2:13

Va na amukelisa toneto muholo wa wubihi wawe. Vona va tsakiswa ngu kutiningetetela ka mithumo ya nzambwa hagari ka mitshikari, vona va thela tingana ni kukhuvekisa vathu, mbimo yi va busako ni nanu mikhuwoni kwanu, va txi tsakela misakano yawe yo kanganyisa.

Titosi 3:3

Nguko nathu kale hi ti sipumbu, ni sikanyisi, ni vatimeli va nzila, ni tikhumbi ta lotshe lixaka la minavelo yo biha, hi txi hanya kubihani ni mu kubavelanani, hi txi zondwa ngu vathu ni kuzondana athu ngu txathu.

Obhadhiya 1:3

Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

1 Vakorinto 3:18

Mi nga ti kanganyiseni mipune. Ngako m'thu a txi pimisa ti to a txharihile ngu wutxhari wa ha mafuni, a na ti mahe txipumbu, kufela ku e mana wutxhari wa ditshuri.

2 Timoti 3:13

Kasi vathu va tshofu ni vaxengeteli, vona va na ya masoni ngu kumaha wubihi, va txi kanganyisa vamwani ni ku ti kanganyisa vapune.

Jeremiya 11:6

Sekoko Mkoma a to womba kwangu, a txi khene: Womba-womba totshe tiya timhaka madhoropani a ka Judha, ni mu tiruwani ka Jerusalema, u txi khawe: Engisani timhaka ta txiya txitumelelano, mi maha tona.

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.