21 Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.
Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,
Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.
Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.
Nguko, nanathu, hi engisile Evhangeli nga vona; aniko, dipswi di va ngadi engisa kha da va vhuna txilo, nguko kha va namarela ngu likholo avale va ngadi engisa.
se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,
Txi na bongwe Txizimu, nguko hambiko mi nga ti tikhumbi ta txionho, kambe mi sikotile kutiningetela ngu yotshe mbilu yanu ka gondo yiya mi nga wuletwa ka yona.
Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.
Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.
Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!
Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.
Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;
Se ngako madhavi okari ma di phatutwe, se awe u ku didhavi da muolivhera wa txitinga u nga ta txhomekwa ha wukhaloni ka ona, u va u sengela nawo kudyiswa ngu ndome ya mkoloti wa muolivha wa m'tini,
Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”
Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.
Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?
Nguko, Evhangeli yathu kha ya hoka kwanu ngu mapswi dwe, aniko yi fakazetwe ngu mtamo wa Moya wo Sawuleka, ni mahanyelo o kholwisa. Ma tiziva ti hi nga hanyisa tona ni nanu ngu mhaka ya lirando kwanu.