Jakobe 1:19 - Bhiblia Yo Sawuleka

¹⁹ Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Jakobe 1:19 Referans Kwoze

Mavingu 17:27

Awule a vekisako mapswi a ni wuzivi, se a wule wa moya wo ziza m'thu wa mapimo.

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Mavingu 10:19

Amu ka mapswi o tala, kha ku pwateki txihoheto, aniko awule txisofu txakwe txi wombako ta tinene a txharihile.

Mavingu 18:13

Kuxamula u si se pfisisa, mbuphukuphuku ni tingana.

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Vakolosa 3:8

Se konkuwa na nanu si tshotsheni kule sotshe siya: Txitsikivi, kuhenya, wubihi, kuruka, mawombawombelo a nzambwa.

Vaefesu 4:31

Totshe ti i ku ta mabava, kuhenya, txitsikivi, maguwa ni kuruka, sotsheso si na fuve hagari kwanu, kufana ni lotshe lixaka la wubihi.

Mavingu 18:21

Kufa ni kuhanya si mtamoni ka lidimi; se awule a li dhundako a na dya mihando ya lona.

Vakolosa 3:15

Timbiluni kwanu ku na fume kudikha ka Kristu, eko mi nga dhanelwa kona; kasi ku ta maha mmidi wumwewo; kombisani kubonga kwanu.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Mavingu 15:2

Lidimi la titxhari la tshurisela wutxhari, kambe txisofu txa siphukuphuku txi pupuma wuphukuphuku.

Mavingu 25:28

M'thu wa kwa mbi xayisa moya wakwe, a fana ni didhoropa do khundumuselwa, do pwata diguma.

Mavingu 14:17

Awule wo kuluveta kuhenya wa ti maha txiphukuphuku, ni m'thu wa mipimiso yo biha a na vengwa.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Jakobe 1:26

Ngako, m'thu a txi pimisa ti to dikholwa, kambe a si ñoli lidimi lakwe, a txi ti kanganyisa apune, a na ti zive ti to wukholwa wakwe, kha wu vhuni txilo.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Mithumo 17:11

Vona va ti ni mialakanyo ya yinene kupinda ya Vatesalonika. Va amukete dipswi ngu yotshe mbilu. Ditshiku ni ditshiku va ti gonda dibhuku, kasi kuwonisisa ditshuri da totshe timhaka.

Luka 19:48

Aniko ve tandeka kumana nzila yo ti maha eto, nguko votshe vathu va ti namarete ka mapswi akwe, va txi mu engisa.

Marku 2:2

Vathu vavangi va to kuluveta ve sengeletana konaho, ahawa koza ku txi pwateka ni wukhalo ha txikeni. Jesu a ti ti va txhumayela dipswi da Txizimu.

Mavingu 19:19

M'thu wa txihenyisani a na dawa ngu txona; nguko u txi mtxhatxhisa, u na tshumela u maha toneto kambe.

Mithumo 10:33

Ngu konaho ni nga kuluveta kuruma vathu va ta kudhana. Se u tshambisile u nga ta. Konkuwa hi maneka hawa hotshethu masoni kwako, kasi kuengisa totshe ti Txizimu txi nga kuleleta tona.”

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

Luka 15:1

Votshe vakhupisi ni vaonhi va ti tshuketela hafuhi ka Jesu, kasi ku ta mu engisa.

Nehemiya 9:3

Sekoko va di emile ka makhalo awe, va to gondelwa dibhuku da Mlayo wa Mkoma, Txizimu txawe, ngu txipimo txa wumune txa ditshiku; se ka txipimo tximwani txa wumune, va to titshanza, ve khozela Mkoma, Txizimu txawe.

1 Johani 2:21

Kha na mi bhalela ngukuva mi si zivi ditshuri, aniko ni mi bhalete ngu kuwa mi di zivako, nguko kuwalo makuhu awa ma humako ngu ka ditshuri.

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.

Marku 12:37

Se akuwa Dhavhidha a m'dhanako ku i Mkoma, a nga va mwanakwe ngu ha ko txani kani?” Se dibutho di da hombe di ti mu engisa ngu kutsaka.

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

Mitengo 22:27

Se mbongola yi to wona Ngelozi ya Mkoma yi sowa hahatshi, konaho Bhalahamu a to henya ngutu, e engeta e peka mbongola ngu ndoga.

Mavingu 29:20

U ti nga mmona m'thu wa magwava amu ka mapswi akwe kani? Txiphukuphuku txa thembeka kupinda ene.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Jakobe 1:2

Vanathu, yi woneni i di mhaka ya kutsakisa ngutu, amukelani ngu mbilu yo tsaka sotshe siduko si mi si manako,

Jakobe 1:16

Vanathu vo randeka ngutu, mi nga ti kanganyiseni.

Jakobe 2:1

Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Jakobe 3:10

Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

Jakobe 5:19

Vanathu, ngako mmweyo wanu a txi leka nzila ya ditshuri, se mmwani a txi mu wuyisa ka nzila ya yinene,

Jobe 32:16

Ni verete koko, aniko kha ma womba-womba; nguko se mi malate, kambe kha mi xamuli txilo.