Jakobe 1:17 - Bhiblia Yo Sawuleka

¹⁷ Sotshe sihiwa sa lisima, sotshe siningo sa kuhetiseka, si ta ngu txitimwi, si txi txhika ngu ka Tate wa liwoningo, awu a ku si nga ni kutxitxa, awu kuwoninga kwakwe ku ku si nga ni kutxitxa ku txi maha txidema.

Jakobe 1:17 Referans Kwoze

Johani 3:27

Johani a to xamula a txi khene: “M'thu kha sikoti kumana txilo ni txa tximwetxo, ngako a sa ningwa ngu nzuma.

Matewu 7:11

Ngu konaho, hambi anu mi ku vathu va tshofu mi zivako kuninga sa sinene ka vanana vanu, ngutu-ngutu Tate wanu wa nzumani kha na mbi pindisa kuvaninga sa sinene ava va mu kombelako kani?

Vahebheru 13:8

Jesu Kristu ngeneyo wammweyo, nyamnova, nyamsi ni yotshe mbimo.

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

1 Johani 1:5

Aawa ngu ona mahungu awa hi nga ma engisa kwakwe hi mi zivisako: Txizimu Liwoningo, ka txona kuwalo txidema ni ka kudotho.

Mavingu 2:6

Nguko Mkoma wa ninga wutxhari, kambe wuzivi ni mapimo sita ngu txisofuni kwakwe.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Malakiya 3:6

Nguko ani Mkoma, kha ni txitxi; ngu mhaka yeto, anu vanana va ka Jakobe, kha mi loviswi.

Vaefesu 2:8

Nguko mi hanyisilwe ngu mhaka ya tikateko ni kukholwa. Aniko hi nga ta kumahwa ngu mtamo wathu, njiningo txa Txizimu.

Luka 11:13

Ngu toneto, eko hambi anu, mi ku vabihi, mi zivako kuha sa sinene vanana vanu, ngutu-ngutu Tate wa nzumani a na pindisa ngutu kuninga Moya wakwe wo Sawuleka, ka vale va mkombelako!”

1 Vakorinto 4:7

Kunene, kasi i mani wu a sawulako kani? Nji txani u ku natxo awe, txo va u sa maha ngu kuningwa kani? Se ngako u di ningilwe, nji txani u txi ti guleta, nga hi nga so si mana ngu kuningwa kani?

1 Johani 4:10

Lirando la Txizimu ngu liya: Hi nga athu hi nga randa Txizimu, txona ngu txona txi nga hi randa, txi hi rumela Mwanana wa txona, ku ta maha mhamba ya kudihela sionho sathu.

Vaefesu 1:18

txi woninga timbilu tanu, kasiku mi ziva ti to njithembiso muni atxiya mi dhanelwako txona ngu Txizimu, ni ti to wu talisite kutxani wudhumo wa thomba ya Txizimu, ayi txi nga mi vekela kumweko ni vasawuleki;

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.

1 Makronika 22:12

Mkoma a na ku ninge wutxhari ni wuzivi dwe, a na ku gondise madingano ni Israyeli; kasi kuxayisa Mlayo wa Mkoma, Txizimu txako.

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Isaya 60:19

Kha di na mbiswa di kuthumela ditambo kasi ku kuwoninga, hambi kuwoningwa ngu mtxima; aniko Mkoma a na va liwoningo lako la kwa mbi guma, ni Txizimu txako mbudhumo wako.

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

Mitengo 11:17

Sekoko ani, ni na kwitima ni ta womba-womba ni nawe konaho; se ni nata hungula moya wu wu ku nemelako wekha, ni wu veka kwawe, kasi ve kuvhuna; se moya wu na kuvhuna kurwala vathu, na i si ngawe wekha u rwalako.

Jakobe 3:15

nguko, wuzivi wo ngeto, kha wu ti ngu txitimwi, aniko mbuzivi wa ha mafuni; wa wuhari ni wa wusathane.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Vafilipiya 1:29

nguko txona txi mi ningile kateko, masoni ka Kristu, kateko yo kholwa kwakwe, ni yo xaniseka ngu ngene,

Mithumo 11:18

Ngako va di pfite timhaketo, va to malala ve dhumisa Txizimu, va txi kha vona: “Kunene, ni vona vamatiko Txizimu txi va ningile kuhunduluka ku ku yisako wutomini.”

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

Isaya 46:10

ni zivisa magwito kukhukhela makhatoni, ni kukhukhela kale ngutu atile ti sanziko kumaheka; ni ku khani: “Makungo angu ma na tsana, se ni na maha kotshe kuranda kwangu”;

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Masalmo 122:6

Kombelelani kudikha ka Jerusalema. Va na humelela vale va randako kudikha.

Dhewuteronome 4:19

Se u nga gule maso ako, u txi wona nzumani, ni ku u txi wona ditambo, mtxima, tinyeleti, sotshe siphatiphati sa nzumani, u nga thuke u txi ti bihisa ngu kukhizama masoni ka sona, u txi si khozela ni ku si thumela nzimaha si Mkoma Txizimu txako, a nga si avela ka vathu votshe va ku hahatshi ka nzuma, kasi ku si maha thomba yawe.

Mitengo 11:25

Mkoma a to txhika ngu mu ka direfu, e ta womba-womba ni Mosi; se e teka moya wakwe e wu thela ka madhota ale a mtxhanu wa magumi ni mambidi. Se mbimo si moya wu nga wulela ka vathu, vona va to profeta; hambi keto, kha va nga engeta ve profeta kambe.

Masalmo 85:12

Ene Mkoma a na hi ninga makatekwa ni ditiko dathu di na ninga mihando ya dona.

Masalmo 102:27

Aniko awe ngawe yotshe mbimo; malembe ako kha ma na magwito.

Masalmo 136:7

Awule a nga maha siwoningo sa hombe; nguko lirando lakwe nda kala kupinduka!

Johani 3:3

Jesu a to xamula a txi khene kwakwe: “Ngu ditshuri, ngu ditshuri, na kugela ku khani: Ngako m'thu asi velekwi da wumbidi, kha na kusikota kuwona Mfumo wa Txizimu.”

1 Timoti 6:16

awu i ku ekha wa wutomi wo mbi guma, a zumbako kuwonekelani ko mbi manelwa, awu a nga mbi wonwa, kambe asi sikotiko kuwonwa ngu m'thu ni wammweyo; kwakwe ku nave ni txithavo ni wukoma wo mbi guma. Amen!