Jakobe 1:16 - Bhiblia Yo Sawuleka

¹⁶ Vanathu vo randeka ngutu, mi nga ti kanganyiseni.

Jakobe 1:16 Referans Kwoze

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Vagalatiya 6:7

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

Vakolosa 2:8

Ti woneleni kasiku ni wammweyo asi mi mahi tikhumbi ngu mawombelo a marindi a wutxhari wa vathu, ngu kulondetela siheno sa vathu ni mtumbuluko wa mafu, i si nga ngu Mlayo wa Kristu.

Vahebheru 13:1

Yanani masoni ngu kurandana nga vanawe.

Vakolosa 2:4

Ni womba tiya kasiku ni wammweyo asi mi kanganyisi ngu mapswi o dyelela.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

2 Timoti 2:18

Vona va hambanile ni ditshuri ngu kuwomba ti to ta kuwuka ka vafi ti pindile kale, ve khuvekisa vamwani amu ka kukholwa.

Vafilipiya 4:1

Ngu kota yeto, vanathu vo randeka ngutu ni kunaveleka, anu mi ku litsako ni m'bhoti wangu, zumbani mi di tsani ka Mkoma, wo randeka ngutu.

1 Vakorinto 6:9

Ina kha mi tizivi ti to sidambu kha si na mbi dya thomba ya mfumo wa Txizimu kani? Mi nga ti kanganyiseni. Sindakamilayo, ni vakhozeli va sizimu sa walo, vagelezi,

Marku 12:27

Txona hi nga Txizimu txa vafi, kambe i Txizimu txa va va hanyako. Idito, mi timete ngutu.”

Marku 12:24

Jesu a to va xamula a txi khene “Ina kha mi timeli ngu kuwa mi si ziviko mibhalo ni mtamo wa Txizimu kani?

Matewu 22:29

Jesu a to va xamula a txi khene: “Mi timete ngutu, nguko kha mi yi zivi Mibhalo ni mtamo wa Txizimu.

Mithumo 1:15

Ka ona ale masiku, Pedro a to khukha a txi ema hagari ka msengeletano wa vanawe, avava mtengo wawe wu nga ti lava kuhoka ka 120, a txi khene:

Jakobe 1:2

Vanathu, yi woneni i di mhaka ya kutsakisa ngutu, amukelani ngu mbilu yo tsaka sotshe siduko si mi si manako,

Jakobe 2:1

Vanathu, likholo lanu ka Mkoma wathu Jesu Kristu, wu a nga tala ngu wudhumo, li nga mahe mibhando hagari kwanu.

Jakobe 2:14

Vanathu, ti vhuna txani, ngako m'thu a txi khene a ni likholo na nga ni mithumo kani? Kukholwa ko nga toneto ina ku nga mu hanyisa kani?

Jakobe 3:1

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.

Jakobe 3:10

Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

Jakobe 5:19

Vanathu, ngako mmweyo wanu a txi leka nzila ya ditshuri, se mmwani a txi mu wuyisa ka nzila ya yinene,