Jakobe 1:14 - Bhiblia Yo Sawuleka

¹⁴ Aniko, m'thu ni m'thu a dukwa ngu kunavela kwakwe ko biha, ku m'ndindako, ku txi mu yisa kubihani.

Jakobe 1:14 Referans Kwoze

Vaefesu 4:22

di rumako kuleka mahanyelo a m'thu wa kale, a nga txi mi fuma kaleko, m'thu wu a nga xangiswa ngu minavelo yo kanganyisa.

Matewu 15:18

Aniko asi si humako ngu mkanani, si khukhela mbiluni, eso ngu sona si bihisako m'thu.

Vahebheru 3:13

Ngu toneto, layanani masiku otshe, na ku di ngadi ku txi wombwa ku “Nyamsi” amu ka mibhalo, ati ti wombako athu kasiku ku si vi ni wammweyo hagari kwanu wo ti bangisa, ngu kukanganyiswa ngu txionho.

Isaya 44:20

Adya dikhuma; mbilu yakwe ya wukanganyisi yi m'hambukisile, aha ko kha na kuhulukisa wutomi wakwe, hambi kuwomba ku khene: Ina kha ku nga ni makuhu ka dianza dangu da txinene kani?

Varoma 7:13

Se, atxi i ku txa txinene, ina txa sikota ku ni vangela lifo kani? Lambi! Txionho ngu txona txi nga ni vangela kufa: Ngu kutiwonekisa nga txilo txa txinene, txi ni date kasiku txi ti kombisa ku njionho, na txi txi ti humelelisa ngu wotshe mtamo wa txona ngu mhaka ya mthetho.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

Varoma 7:11

Nguko txionho, txi di mani nzila ngu mhaka ya mlayo, txi to ni kanganyisa, txi ni daya.

Jobe 31:27

ngako mbilu yangu yi di ndindilwe txihunjani, se txisofu txangu txi di pswopswile dianza,

Jobe 31:9

Ngako mbilu yangu yi ti ndindekile ngu kunavela wamsikati, ni kungako ani ni ti horolokete ha txikeni ka mwakelani,

Matewu 15:20

Asiya ngu sona si bihisako m'thu; kasi kudya u sa samba manza kha ku bihisi m'thu.”

Genesisi 6:5

Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Hoseya 13:9

Kasi ku ni kukomba ti to u mwalate, awe Israyeli, u ni wukete, u wukete m'vhuni wako.

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

2 Samuwele 11:4

Sekoko Dhavhidha a to rumela mitumi ya kuya mteka; se a txi wulela nyumbani ka Dhavhidha, a to otela nayo (nguko a ti ti basisile ka mtxima wakwe); sekoko ene a to tshumela e tsula m'tini kwakwe.

Matewu 4:1

Sekoko Jesu a to yiswa txiwulani ngu Moya wo Sawuleka, kasi a txi ya dukwa ngu Sathani.

Jakobe 1:13

Ni wammweyo a dukwako, a nga thuke a txi khene: “Txiduko txangu txi ta ngu ka Txizimu,” nguko Txizimu kha txi na kusikota kudukwa ngu wubihi, se kambe kha txi duki m'thu.

Jakobe 1:15

Msana keto, kunavela ko biha, ka mana txirumbu, kuveleka txionho, se txionho txa vitwa txi veleka lifo.