Jakobe 1:1 - Bhiblia Yo Sawuleka

¹ Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Jakobe 1:1 Referans Kwoze

Ezekhiyele 12:15

Ngu toneto, va na tiziva taku ani ngani Mkoma, mbimo yile ni no va hangalasa hagari ka matiko, ni txi va wavalasa mafuni.

1 Pedro 1:1

Ani Pedro, mpostoli wa Jesu Kristu, ka valuveli va va nga hangalaka matikoni ka Ponto, ni Galatiya, ni Kapadhokiya, ni Aziya ni Bhitiniya;

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Mithumo 8:1

Ka donedo ditshiku, ku to tumbuluka livengo la tshofu ya kuxanisa dibanza da Jerusalema: Votshe, hahanze ka Vapostoli, va to hangalaka ka matiko a Judheya ni Samariya.

Mithumo 26:7

i ku txithembiso txi tihunzu tathu ta digumi ni timbidi ti verelako ku txi mana, na ti txi khutalela kukhozela Txizimu wusiku ni mitshikari. Mfumeli Agripa, ni mangalelwa ngu Vajudha ngu mhaka ya txona txithembiso txiya.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Mithumo 15:13

Ku ti ngako va di hetile kuwombawomba, Jakobe a to teka dipswi, a txi khene: “Vanathu, ni engiseni.

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Varoma 1:1

Paulo, txithumi txa Jesu Kristu, a nga dhanwa kuva mpostoli, a nga sawulwa ti to e txhumayela Evhangeli ya Txizimu,

Mithumo 21:18

Mangwanani ka kona Paulo a tsute ni nathu m'tini ka Jakobe, ahawa ma nga tshangana otshe madhota.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Vafilipiya 1:1

Paulo ni Timoti, sithumi sa Jesu Kristu, hi bhalela va va nga sawuleka ngu ka Kristu Jesu, va ku Filipiya, kumweko ni vabhixopo ni vadhiyakoni vawe.

Vagalatiya 2:12

Nguko mbimo yi va nga ti sinzi kubwaka ava va kuta ngu ka Jakobe, ene a ti ti dya kumweko ni va vo mbi ya wukwerani. Kambe mbimo yi vona va nga bwaka, a ti ti leka kudya navo, ngu kuthava va va wukwera.

Vagalatiya 1:19

Kha na wonana ni mmwani mpostoli, hahanze ka Jakobe mwanawe Mkoma.

Mithumo 15:21

Nguko kukhukhela ka timbimo ta kale, Mosi ana ni vagondisi ka otshe madhoropa, ava va gondako dibhuku da Milayo yakwe masinagogani, otshe masiku a Sabbata.”

Mithumo 1:13

Ku ti ngako va di hokile konaho, va to kwela veya ka nyumba yi ya txitimwi, ahawa ku nga ti zumba Pedro, ni Johani, ni Jakobe, ni Andreya, ni Filipi, ni Tomasi, ni Bhartolomewu, ni Matewu, ni Jakobe mwana Alfewu, ni Simoni Muzelote, ni Judha mwana Jakobe.

Matewu 13:55

Kasi hi nga ene mwanana wa m'vati kani? Mame wakwe hi nga ene wu a dhanwako ku i Mariya kani? Ni vanawe hi nga vona va Jakobe, ni Josefa, ni Simoni, ni Judha, kani?

1 Vafumeli 18:31

Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.

Dhewuteronome 30:3

Sekoko Mkoma, Txizimu txako, a na kuhumisa ka wukhumbi wako, a txi ku mahela wumbilu; a na ku engisa, a txi ku tsanisa, u huma ngu ka otshe matiko ale a nga ti ku hangalisete ka ona.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Mithumo 12:17

Kambe ene a to maha txikombiso ngu diwoko, kasiku ve malala; msana keto, a to va txhamusela ati Mkoma a nga m'humisisa tona ngu mkorani, e engeta, a txi khene: “Zivisani Jakobe ni vanathu timhaketo.” Se a to huma e tsula ka wumwani wukhalo.

Ezra 6:17

Se va to henjeleta ka mthumo wa kuningelisiswa ka Nyumba yiya ya Txizimu, 100 wa marole, 200 wa xihambana, ni 400 wa sinvutana, ni digumi da vamabhongwe ni vambidi, kasi kukombela kudivalelwa ka sionho sa votshe va ka Israyeli, ngu mtengo wa tihunzu ta va ka Israyeli.

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Eksodha 39:14

Marigwi ma mahilwe ngu kulondetelana ka matina a vanana va ka Israyeli, dimwani ni dimwani di ti bhatwe ditina da lixaka limwelo, na ma di bhatwe ngu kukenyelwa, nga ti ku bhaliswako tona ngu txixambanyo, ma txi dingana digumi da tihunzu ni timbidi.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Mtuletelo 7:4

Se ni engisile ntengo wa vale va nga bhalwa sikombekiso: I ti 144.000 ava va nga bhalwa ka tixaka totshe ta vanana va ka Israyeli.

Mithumo 2:5

Aniko va ti ti ho Vajudha va va nga ti akile Jerusalema, i nga ti vathu va kukholwa, va kuta ngu ka yotshe mifumo, ayi yi kuho hahatshi ka nzuma.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Matewu 10:3

Filipi ni Bhartolomewu; Tomasi ni Matewu, i nga ti mkhupisi; Jakobe, mwanana wa Alfewu, ni Tadhewu;

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

2 Timoti 4:21

Kuluveta u txi ta kheno wu sinzi kuhoka wuxika. Va kudingula: Eubhulusi, ni Pudhente ni Lino ni Klawudhiyo ni votshe vanathu.

Mithumo 23:26

“Klawudhiyo Lisiya, kwako mfumeli wa hombe Felikisi, xewe!”

Luka 6:15

ni Matewu, ni Tomasi, ni Jakobe mwana Alfewu, ni Simoni a dhanwako ku i Zelote,

Marku 3:18

ni Andreya, ni Filipi, ni Bhartolomewu, ni Matewu, ni Tomasi, ni Jakobe mwana Alfewu, ni Tadhewu, ni Simoni Mukanana,

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”