Isaya 9:9 - Bhiblia Yo Sawuleka

⁹ Se votshe vathu vava va na tiziva, Efrayime ni vaaki va Samariya, vale va wombako ngu kutikulisa ni kutiguleta ngu timbilu, va kha vona:

Isaya 9:9 Referans Kwoze

Isaya 46:12

Ni engiseni anu vo banga timbilu, anu mi ku kule ni wululamo.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Malakiya 3:13

Mapswi anu ma ve o lwisa ngutu kwangu, kuwomba Mkoma; aniko anu mi khanu: Intxani hi nga womba-womba txona ngu ngawe kani?

Ezekhiyele 33:33

Kambe aha ti nota tiya (wona taku ti nata), sekoko va na tiziva taku, hagari kwawe ku ti nga va ni mprofeti.

Ezekhiyele 30:19

Ngu tona eto, ni na lamula kona Egipta, va na tiziva taku ani ngani Mkoma.

Ezekhiyele 7:27

Mfumeli a na ti dilela, se mthangeli a na ti ambeka kupandiseka, ni manza a vathu va ditiko ma na karala; ni na va tsayisa madingano ni dihanyo dawe da walo, kambe ni na va lamula ngu malamulelo awe, va na tiziva ti to ani ngani Mkoma.

Ezekhiyele 7:9

Se diso dangu kha di na mbi kutsetsa, kambe kha ni na mbi va ni wumbilu; madingano ni tinzila tako, ngu kumaha keto, ni na kunemetisela, manyala ako ma nava txitimwi kwako; se mi na tiziva taku ani Mkoma na tsayisa.

Jeremiya 32:24

Hi nga wona maguma! Va tete ku ta wukela didhoropa, kasi ku ta di teka, se didhoropa di ningetwe manzani ka Vakaldheya, va valwako navo ngu ditxhari, ni nzala, ni mtungu; se ati u nga womba ti mahekile, ngu tona ti u ti wonako.

Isaya 48:4

Nguko ni ti tiziva ta ku u bangi msungo, thamo yako yi fana ni msiha wa simbi, ni mbanza yako yi fana ni suku.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Mavingu 16:18

Kutikukumukisa kuthangela kufuva, ni kutikulisa ngu moya kuthangela kuwa.

1 Vafumeli 22:25

Se Mikaya a to khene: U na ti wona ka dona ditshiku edo, mbimo yile u no wulela ka nyumba ni nyumba, u txi lava ko sisala.

Isaya 7:2

Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Isaya 9:8

Mkoma a to rumela dipswi ka Jakobe, se di wela txitimwi ka Israyeli.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Isaya 28:3

M'bhoti wa kutikulisa ka madevi a Efrayime, wu na kandetelwa ngu mikondo.

Hoseya 8:14

Nguko Israyeli a divate M'vangi wakwe, kambe a ti akete tinyumba ta wukoma, se Judha a andisile madhoropa o tsana; aniko ani ni na rumela mndilo txitimwi ka madhoropa awe, ni kutshokomisa tinyumba tawe ta wukoma.

Malakiya 1:4

Hambi ku ngako Edhomi a txo womba a txi khene: Hi mahilwe sisiwana, ngu mhaka yeto, hi na tshumela hi aka marumbini, a womba tiya Mkoma wa Mabutho a Tiyimbi: Vona va na aka, aniko ani ni na hoxota, se va na va dhana ku Ditiko da Wubihi, ni Vathu vale Mkoma a nga va henyela ngu ha ku si gwitiko.