Isaya 9:8 - Bhiblia Yo Sawuleka

⁸ Mkoma a to rumela dipswi ka Jakobe, se di wela txitimwi ka Israyeli.

Isaya 9:8 Referans Kwoze

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Isaya 9:9

Se votshe vathu vava va na tiziva, Efrayime ni vaaki va Samariya, vale va wombako ngu kutikulisa ni kutiguleta ngu timbilu, va kha vona:

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!

Jeremiya 43:2

sekoko a to womba-womba Azariya mwana Hoxaya, ni Johanani mwana Kareya, ni votshe vavamna va mabava va txi kha vona ka Jeremiya: “Awe u womba makuhu! Mkoma, Txizimu txathu, kha kurumela ku ta womba ku: Mi nga tsuleni mi txi ya luvela Egipta.