Isaya 9:7 - Bhiblia Yo Sawuleka

⁷ Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Isaya 9:7 Referans Kwoze

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

2 Samuwele 7:16

Aniko nyumba yako ni mfumo wako si na tsaniswa kala kupinduka masoni kwako; txikhalo txako txa wukoma txi na tsana kala kupinduka.

Dhaniyeli 7:27

Se mfumo, ni mtamo, ni wuhombe wa mifumo hahatshi ka yotshe nzuma si na ningelwa ka vathu vo sawuleka va Nyatxitimwi; mfumo wawe mfumo wa kwa mbi guma, ni yotshe mitamo yi na mthumela ni ku muengisa.

Dhaniyeli 2:35

Sekoko txi to koyolelwa kumweko ni txikete, ni dibumba, koporo, silivhela ni nzalama, asi si nga maneka nga mtungu wa timbimo ta kuoma, se moya wu si huhisa, kambe kha wa maneka wukhalo ni wawumwewo wo si lumba; aniko dirigwi di di nga khundumusa txithombe mmumbu wa hombe, di tata otshe mafu.

Vahebheru 1:8

Kambe ngako txi txi womba ngu Mwanana, Txizimu txi wombisa tiya: “Txiluvelo txako, awe Txizimu, txi tsani kala kupinduka, se ndonga yako ya wukoma i ndonga ya kululama.

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Isaya 37:32

Nguko ngu Jerusalema, ku na huma vale va nga sala, se ngu mmangoni ka Siyoni, avale va nga huluka; kukhutala ka Mkoma wa Mabutho a Tiyimbi, ku na maha eto.

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

2 Vafumeli 19:31

Nguko ngu Jerusalema ku na huma vale va nga sala, se ngu mmangoni ka Siyoni avale va nga huluka; kuthembeka ka Mkoma ku na maha eto.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Johani 12:34

Vathu va dibutho va to xamula va txi kha vona: “Hi ti engisile amu ka Mlayo ti to Mesiya a na vaho kala kupinduka. Se u wombisa kutxani awe ti to Mwanana wa M'thu a fanete kuguletwa, kani? Mwanana wa M'thu wuwa ngu mani kani?”

Vahebheru 7:24

Aniko Jesu, ngako wutomi wakwe wu si gumiko, wuphaxeli wakwe ni wona kha wu nga ni magwito.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 40:10

Wonani taku Mkoma Txizimu a nata, kufana ni ndena, se diwoko dakwe di na fuma; wonani taku, ata ni txhatxhazelo yakwe, ni hakhelo, masoni kwakwe.

Isaya 42:13

Mkoma a na huma kufana ni ndena, kufana ni m'thu wa yimbini, a na wusa kukhatala; a na kwangula, e maha diguwa da hombe, kambe a na veka hahatshi valala vakwe.

Hagayi 2:9

Wudhumo wa nyumba yi yo gwitisa, wu na va wa hombe kupinda wa yile yo khata, kuwomba Mkoma wa Mabutho a Tiyimbi, kambe ka wukhalo wuwa ni na ninga kudikha, kuwomba Mkoma wa Mabutho a Tiyimbi.