Isaya 9:5 - Bhiblia Yo Sawuleka

⁵ Nguko otshe matxhari a vale va nga lwa yimbini, ni syambalo sile si nga phutela mnoha, si na rinzwa mndiloni, si txi hiswa.

Isaya 9:5 Referans Kwoze

2 Vatesalonika 1:8

a di ha mdhikilani ka mndilo, kasiku e pharela ka vale va si txi ziviko Txizimu, ni ka va va si engisiko Evhangeli ya Mkoma wathu Jesu.

Matewu 3:11

Ani ni bhabhatisa ngu mati kasiku mi sikota kutilaya, kambe awule a tako msana kwangu, ana ni mtamo kupinda ani, se ani kha ni nga ni fanelo yo ñola hambi tikathula takwe. Ene a na mi bhabhatisa ngu Moya wo Sawuleka ni mndilo.

Nahume 3:2

Ka pfala kutuma ka txisephu, ni diguwa da kurindilikela ka madangarita; ni mahantxhi ma gumulana, se sikotxikani sa ndaka-ndaka.

Joyeli 2:5

Ku nga diguwa da sikotxikani titshokani ka mimango, va na ndaka-ndaka; nga diguwa da kutura ka mndilo, wu wu txhokomisako txihya va fana ni vathu va mtamo ngutu, va nga lulamiselwa kuya kulwani.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

1 Samuwele 14:19

Se ku to maheka tito, ngako Sawule a txi ngadi e womba-womba ni mphaxeli, kuthava kule ku nga ti wugoveloni ka Vafilista ku to kula ngutu, kuanda, se Sawule a je khene ka mphaxeli: Thavisa dianza dako!

Levhi 3:16

Otshe mafura ma nava a Mkoma; mphaxeli a fanete ku mahisa ha txiluveloni. Nzakudya si si ningelwako kumweko ni mhamba, ti to si na hiswa, kasi kutsakisa Mkoma, ngu kubhumula ka sona.

Levhi 3:11

Se mphaxeli a na si hisa sotshe ha txiluveloni; nzakudya sa mningelo wo hiswa ka Mkoma.

Mithumo 2:3

Konaho va to wona so nga tidimi ta mndilo, ti nga huma ti txi abaneka, limwelo ni limwelo li txi ya khandama txitimwi ka mmweyo ni mmweyo wawe.

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 13:4

Se ka pfala diguwa da vathu txitimwi ka mimango, do fana ni da dibutho da hombe da vathu, dipswi da mifumo ya matiko ma nga sengeletana. Mkoma wa Mabutho a Tiyimbi, wa xola dibutho da yimbi.

Masalmo 72:3

Mimango yi na tisa kudikha vathuni, ni simangwana si na tisa kululama.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Eksodha 23:21

Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Valamuli 13:18

Se Ngelozi ya Mkoma yi to mxamula ku kha yona: “Ngu kutxani u wotisako ditina dangu, na kuve da yila ku di womba kani?”

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.

Zakariya 6:13

Ene apune a na aka Dithepele da Mkoma, se a na teka wudhumo, kambe a na khalatsha, a na fuma ha txituluni kwakwe ka wukoma, ni kuva mphaxeli ha txituluni kwakwe ka wukoma, ku nava ni kudikha ka madhawa otshe a mambidi.