Isaya 9:18 - Bhiblia Yo Sawuleka

¹⁸ Nguko kubiha kuhisa ku nga mndilo, kuhoxota sitinga ni mipa, ina, kudhivela sitinga so txhuma, se wutshi wu kwelela ku nga marefu.

Isaya 9:18 Referans Kwoze

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Masalmo 83:14

Nga ti mndilo wu hisako txitinga, nga ti wuhya wu hisako mimango,

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Vahebheru 6:8

Aniko, mafu awa ma humisako mipa ni tikwakwati ma na rukwa, me gwita ngu kuhiswa.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Amosi 7:4

Mkoma Txizimu anikombisile tiya: Se Mkoma Txizimu a ti huwelela ti taku a lava kuvanga vhilinganya ngu mndilo, e lovisa mkova wo hokoma, e lovisa kambe ni mafu.

Joyeli 2:20

Se awule i ku wa Wuphemba, ni na m'yisa kule ni nanu, ni na mtshotsha ka ditiko da kuoma, da txiwula; va masoni ni na va rinza ka Linene la wutxani, ni va msana kwakwe ka Linene la mswa-ditambo; kununga ni kusina kwawe ku na guleka; nguko a mi onhete ka hombe.

Hoseya 13:3

Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Isaya 33:12

Se vathu va na nga wuhya wa dibumba, va nahya ngu mndilo, kufana ni mipa yile yi nga gangelwa.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Isaya 27:4

Kha ku nga ni kuhenya kwangu; i mani a ndi no veka sitxhotxhota ni mipa masoni kwangu yimbini kani? Ani ni ndi na va wukela, ni va hisa.

Isaya 1:31

Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

Masalmo 37:20

Aniko vaonhi va na fuva; valala va Mkoma va na hya kufana ni mwasi wa kuoma va na hangalaka kufana ni wutshi.

Dhewuteronome 32:22

Nguko mndilo wa txiviti txangu wu turisilwe, kambe wu na tura kala kuhokomani ka wukhalo wa vafi, kambe wu na tura wu txi tshokomisa mafu ni mihando ya ona ni makhato a mimango.

Masalmo 68:2

va mwalala nga wutshi hagari ka mpfhuka, va nyivilika nga phula ha mndiloni. Ngu tonti vathu vo biha va fisako tona, masoni ka Txizimu!

Isaya 1:7

Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Joyeli 2:3

Masoni kwawe mndilo wa tshokomisa; se msana kwawe dituro da hisa; ditiko masoni kwakwe di fana ni thembwe ya Edheni, kambe msana kwakwe njiwula txo thisa; ina, kha ku na mbi huluka txilo.

Obhadhiya 1:18

Se nyumba ya Jakobe yi na va mndilo, nyumba ya Josefa yi na maha dituro, ni nyumba ya Esawu yi na maha mwasi, se va na va hisa, va txihya ve guma; ni wammweyo kha na mbi sala ka nyumba ya ka Esawu, nguko Mkoma a ti wombile.

1 Vafumeli 16:21

Sekoko vathu va Israyeli va to abaneka ngu madhawa mambidi: Vamwani va txi londisa Tibhini, mwana Ginate, ve mmaha mfumeli, se vamwani va ti londisa Oniri.

Isaya 3:5

Se vathu votshe va na xanisana, hambi vaakelani va na xanisana, ni mwanana a na xanisa didhota, vanyalidede va na xanisa vo thaviseka.

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.