Isaya 9:14 - Bhiblia Yo Sawuleka

¹⁴ Ngu mhaka yeto, ka Israyeli, Mkoma a na wila msungo ni mkila, lidhavi ni sihuvani, ngu ditshiku dimwedo.

Isaya 9:14 Referans Kwoze

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Isaya 19:15

Se ka ditiko da Egipta, kha txi ngaho txi txi no mahwa txi humelela ngu msungo mwendo ngu mkila, ngu didhavi mwendo ngu diwungu.

Mtuletelo 18:17

Ngu txikhati txa tximwetxo dwe, thomba yayingi ngutu yi fuvisilwe!” Votshe va tsimbitisi va sitimela sa mati ni va va endako ngu nzila ya mati, vatxungeli ni votshe va va bhindulako ngu kuthumela lineneni va to emela kule.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Amosi 6:11

Wonani taku Mkoma wa ruma, m'ti wa hombe wu na khundumuselwa, se m'ti wa wudotho wu na bhandekela.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Hoseya 13:3

Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Hoseya 10:15

A na mi maha toneto Bheteli, ngu mhaka ya wubihi wanu; mfumeli wa Israyeli, ngu mabimbi-kutxa, a na hoxotwa do gwita.

Hoseya 8:8

Israyeli a khadamutwe; konkuwa, hagari ka matiko a wonekisa ku nga txi maha txi txi si tsakisiko ni wammweyo.

Hoseya 4:5

Ngu konaho, u nawa ni mitshikari, ni mprofeti a nawa ni wusiku kumweko ni nawe; kambe ni na lovisa mame wako.

Hoseya 1:9

Se Mkoma a to khene: Mraye ditina daku i Lo-Ami, nguko anu kha mi nga vathu vangu, nani kha ni na mbi va Txizimu txanu.

Hoseya 1:6

Se a to tshumela e mana txirumbu e veleka mwanana wa dihorana; se Mkoma a to khene: “Mraye ditina daku i Lo-Ruwama; nguko ani kha ni na mbi tshumela kambe ni pfela wumbilu va nyumba ya ka Israyeli, aniko ni na va tekela sotshe.”

Hoseya 1:4

Se Mkoma a to m'gela ku khene: “Mraye ditina daku i Jezireyeli; nguko mndani ka mbimonyana ni na photela mnoha wa Jezireyeli, txitimwi ka nyumba ya ka Jewu, ni lovisa mfumo wa nyumba ya ka Israyeli.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Isaya 10:17

Nguko Liwoningo la Israyeli li na maha mndilo, se Msawuleki wa kona a na nga dikala da mndilo, di na tura di hisa mipa ni txitinga ngu ditshiku dimwedo.

Jeremiya 6:21

Ngu konaho, Mkoma a khene: Ni na di vekela sikhunguvanyiso ditiko diya, vaveleki ni vanana va na khuveka kumweko, mwakelani ni mngana wakwe va na lova kumweko.

Jeremiya 8:12

Ina va ni tingana ngu kumaha manyala kani? Kha va na tingana, hambi kupima ti taku nji txani kuwiswa tingana! Ngu konaho, va na wa kumweko ni va vawako, kambe va na humbwa ka mbimo ya kutsayiswa kwawe, kuwomba Mkoma.

Sidilo 4:16

Kupandiseka ka Mkoma ku va abanisile; ene kha na mbi thuka a di va woni kambe, mwendo kuveka txithavo ka vaphaxeli hambi ka vahombe vawe.