Isaya 9:12 - Bhiblia Yo Sawuleka

¹² Vasiriya va nata ngu wutxani, se Vafilista va nata ngu wuphemba, ve ta khadamula Israyeli ngu txisofu txo asama; hambi keto, kuhenya kwakwe kha ka pinda, aniko dianza dakwe di ngadi nawulutilwe.

Isaya 9:12 Referans Kwoze

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

2 Makronika 28:18

Ni vona Vafilista va to dhumela madhoropa a mikovani ni a wulambwe ka Judha, se va to teka Bheti-Xemexe, ni Ayijaloni, ni Gedheroti, ni Soko ni makhalo akwe o mlumba, ni Timana ni makhalo akwe o mu lumba, ni Gimizo ni makhalo akwe o mu lumba, ve zumba ka ona.

Masalmo 79:7

Nguko vona va dayetete vathu vako se ditiko va di mahile marumbi.

2 Vafumeli 16:6

Ka yona mbimweyo ya yimweyo, Rezini, mfumeli wa Siriya, a to di wuyisa Siriya didhoropa da Elate, se e humisa Vajudha hahanze ka Elate; se Vasiriya va to ta zumba Elate, kala ka ditshiku da nyamsi.

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Isaya 9:21

Manasi a na wukela Efrayime, se Efrayime a na wukela Manasi, se ngu wumbidi wawe va na wukela Judha. Se ngu totshe tiya, txiviti txakwe kha txi gumi, ni dianza dakwe a nga ti di guletile.

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Jeremiya 35:11

Ku to maheka taku, mbimo yile Nebhukodhonosori, mfumeli wa Bhabhilona, a nga ta ka ditiko diya, hi ti khathu: Ngonani, hiya Jerusalema, hi thava yimbi ya Vakaldheya, ni yimbi ya Vasiriya; ngukonaho hi na ya zumba Jerusalema.

Jeremiya 4:8

Ngu konaho, ambalani masaka mi dila, ni kudikwila. Nguko kutura ka txiviti txa Mkoma kha ka khukha kwathu.

Dhewuteronome 31:17

Ka ditshiku donedo, ni na henya ngutu, ni txi va tsukula, ni txi va sisela khohe yangu. Se vona va na loviswa, makhombo amangi ni masingita ma na va thapela. Se ka donedo ditshiku, va na womba va txi kha vona: “Akuwa makhombo awa ma welako txitimwi kwathu, ina hi nga ti to Txizimu txathu kha txi swi txi diho hagari kwathu, kani?”

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Ezekhiyele 6:14

Se ni na guleta dianza dangu txitimwi kwawe, ni savalisa mafu awe, ma txi maha txisapa ngutu kupinda txiwula txa didhawa da Ribhila, kotshe mu va zumbako kona; se va na tiziva ti to ani ngani Mkoma.

Ezekhiyele 16:27

Ngu kumaha keto ni nawulutile dianza dangu txitimwi kwako, ni hungute txokari kwako, ni kuningela ka vale va ku nyenyako, i ku vanana va Vafilista, vale va nga ti tipfa tingana ngu tinzila tako ta walo.

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Jeremiya 15:7

Ni va hehete ngu difoxola sidingeni ka matiko; vaveleki ni va honyote vanana vawe, ni lovisa vathu vangu. Nguko va nga mbi hunduluka tinzilani kwawe.

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Amosi 4:6

Ngu mhaka ya eto ni mi ningile kubasiswa ka makwasa, ka otshe madhoropa anu, ni kupwateka ka dipawu, ka otshe makhalo yanu; hambi keto, kha ma hundulukela kwanu, kuwomba Mkoma.

Amosi 4:8

Kambe kutsimbite vapeperuki ka madhoropa mambidi mwendo mararu, va txi ya ka didhoropa dimwani, kasi kuya sela mati, aniko kha va kolwa: Aniko kha ma hundulukela kwangu, kuwombile Mkoma.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

Amosi 4:11

Vamwani kwanu ni va fuvisile ku nga Txizimu txi nga fuvisa Sodhoma ni Gomora, mi sate ku nga likhuni lo thaviswa ka wuhya: Hambi keto mi ka hunduluka kwangu, kuwombile Mkoma.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.