Isaya 9:11 - Bhiblia Yo Sawuleka

¹¹ Ngu kumaha keto, Mkoma a na va wusela valala va Rezimi, a na txhokolotela valala vakwe.

Isaya 9:11 Referans Kwoze

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

2 Vafumeli 16:9

Se mfumeli wa Asiriya a to mu engisa; sekoko mfumeli wa Asiriya a to lwisa didhoropa da Dhamasku e di teka, vathu va kona a to va tsulisa Kiri, se a to daya Rezini.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Isaya 28:1

Dikhombo ka m'bhoti wa kutikulisa ka madevi a ka Efrayime, ava wudhumo wa kutitshurisa kwawe wu fanako ni txiluva txi txiwako, txi ku ha msungo ka mkova wo nona, wa ku ti guletako ngu wona, wa va va nga xulwa ngu vhinya!